पश्चिम रेल्वे मार्गावर धावत्या लोकलमध्ये एका तेवीस वर्षीय अंध तरुणीचा विनयभंग करण्यात आल्याचा धक्कादायक प्रकार बुधवारी समोर आला. चर्चगेटहून बोरिवलीला जाणाऱ्या एका लोकलमध्ये खार ते सांताक्रूझदरम्यान ऐन दुपारी गर्दीच्या वेळेत हा प्रकार घडला आहे. पश्चिम रेल्वे मार्गावर धावत्या लोकलमध्ये एका तेवीस वर्षीय अंध तरुणीचा विनयभंग करण्यात आल्याचा धक्कादायक प्रकार बुधवारी समोर आला. चर्चगेटहून बोरीवलीला जाणाऱ्या एका लोकलमध्ये खार ते सांताक्रुझदरम्यान ऐन दुपारी गर्दीच्या वेळेत हा प्रकार घडल्याने महिलांच्या सुरक्षेबाबत प्रश्नचिन्ह उपस्थित केले जात आहे. विशेष म्हणजे डब्यातील अन्य प्रवाशांनी बघ्याची भूमिका घेतली. अंधेरी येथे नोकरी करत असलेल्या या तरुणीने दुपारी चर्चगेटहून नोकरीवर जाण्यासाठी बोरिवली लोकल पकडली. खार स्थानकात उतरताच एका तरुणाने तिला अपंगांच्या डब्यापर्यंत चढवून देत असल्याचे सांगून तिला मालडब्यात चढवले. यानंतर तरूणाने छेड काढण्यास सुरुवात केली. यावर मदतीसाठी या तरुणीने आरडाओरडा केला. मात्र मदतीची याचना करुनही अन्य कोणत्याही प्रवासी तिच्या मदतीला धावून आला नाही. यावर तिने स्वत: जवळील काठीने त्याला चोप देण्याचा सुरुवात केली. आणि या प्रसंगातून स्वत:ची सुटका करुन घेतली.
