Taj Hotel Viral Video : मुंबईत एकदा तरी फिरायला जावं, असं परराज्यात राहणाऱ्या अनेकांना वाटतं. काही माणसं नोकरी, व्यवसायाच्या निमित्ताने आपलं गावं सोडून मुंबईत राहतात. पण जगातील उच्चभ्रू शहरांपैकी एक असलेलं मुंबई शहर कधीही पाहिलं नाही त्यांना मुंबईतील समुद्र किनाऱ्यावर फिरायला खूप आवडतं. समुद्र किनाऱ्यावर असलेल्या स्टॉल्सवर फास्ट फूड, पाणीपूरीवर अनेक जण ताव मारतात. पण त्याच किनाऱ्याजवळ उभ्या असलेल्या पंचतारांकीत हॉटेलच्या इमारतीत जाऊन एकदा तरी पंचपक्वानाचे पदार्थ खावे, अशी अनेकांची इच्छा असते. एका तरुणानेही ताज हॉटेलमध्ये प्रवेश करुन असंच काहीसं केलं. पण जेवण झाल्यानंतर बिल देण्यासाठी आलेल्या तरुणाने असं काही केलं, जे पाहून सर्वांच्याच भुवया उंचावल्या आहेत. आताच्या डिजीटल जमान्यात खूप लोक पैशांचा व्यवहार कार्ड किंवा इंटरनेट बॅंकिंगच्या माध्यमातून करतात. हॉटेलच्या जेवणाचं बिलही रोख रक्कमेत देण्याचं प्रमाण कमी होताना दिसत आहे. पण सिद्धेश लोकरे या तरुणानं कमालच केली आहे. ताज हॉटेलमध्ये जेवणावर ताव मारल्यानंतर तरुणानं काऊंटरवर कॅश नाही तर चक्क चिल्लर देऊन बिल दिलं आहे. चिल्लरने बिल देण्याचा अनुभव त्याने कॅमेरात कैद केला असून व्हिडीओ इन्स्टाग्रामवर शेअर केला आहे. हा व्हिडीओ पाहून नेटकऱ्यांनाही आश्चर्याचा धक्का बसला आहे. या व्हिडीओला १ लाखांहून अधिक लाईक्स मिळाले आहेत. नक्की वाचा - Viral Video : ‘द नाईट मॅनेजर’ वेब सीरिजमध्ये वकिलाच्या भूमिकेत विजय मल्ल्या? नेटकरी म्हणाले, ‘यालाच वकिलाची गरज…’ इथे पाहा व्हिडीओ हा व्हिडीओ शेअर करत कॅप्शनमध्ये म्हटलंय, बिल देणं महत्वाचं आहे. तुम्ही सुट्टे पैसे किंवा डॉलर देऊनही बिल देऊ शकता. सुट बूट घालून हा तरुण ताज हॉटेलमध्ये जेवणाची मेजवानी साजरी करण्यासाठी प्रवेश करत असल्याचं या व्हिडीओत पाहायला मिळत आहे. पिझ्झा आणि मॉकटेल ऑर्डर केलेल्या तरुणाने चक्क चिल्लर देऊन बिल दिल्यानं सर्वांनाच आश्चर्य वाटलं आहे. हा तरुण खिशातून एक पाऊच काढून त्यात असलेली चिल्लर मोजताना व्हिडीओत दिसत आहे. या व्हिडीओच्या माध्यमातून या तरुणाने लोकांना जबरदस्त संदेश दिला आहे.
