मध्य रेल्वेची वाहतूक विस्कळीत, ऐन गर्दीच्या वेळी प्रवाशांचा खोळंबा

मध्य रेल्वेची वाहतूक गेल्या काही दिवसांपासून वारंवार विस्कळीत होत आहे. रविवारी खडवली-टिटवाळा स्थानकांदरम्यान रेल्वे रुळाला तडा गेल्यामुळे वाहतूक विस्कळीत झाली होती. याआधी ३ जानेवारी रोजी शहाड आणि आंबिवली रेल्वे स्थानकांदरम्यान असलेल्या रेल्वे फाटकाला डम्परने धडक दिल्याने वाहतूक विस्कळीत झाली होती. या अपघातात ओव्हरहेड वायर तुटल्याने या मार्गावरील वाहतूक तासभर ठप्प होती. अपघातामुळे रेल्वेचं वेळापत्रक कोलमडलं होतं. या अपघातप्रकरणी डम्परचालकास टिटवाळा रेल्वे सुरक्षा दलाने अटक केली.