scorecardresearch

Premium

तारखा वगळल्या, तर इतिहास म्हणजे गोष्ट – मनोज वाजपेयी

शाळा काय आणि महाविद्यालय काय… शिक्षण म्हणजे माझ्यासाठी फार अवघड कोडे होते, असे मनोज म्हणाला.

Manoj Bajpayee, south films success, bollywood filmmakers, Manoj Bajpayee reaction, Ajay Devgn, Kiccha Sudeep, Sudeep Sanjeev, Hindi National Language, Ajay Devgn on Hindi National language, Hindi National language row, Kiccha Sudeep on hindi language debate, Ajay Devgn tweet, Ajay Devgn twitter, Ajay Devgn news, Ajay Devgn vs Sudeep Sanjeev, Ajay Devgn & Sudeep Sanjeev controversy, Hindi as national language debate, Kumaraswamy, Sudeep Sanjeev on Ajay Devgn, हिंदी ही आपली राष्ट्रभाषा नाही, हिंदी राष्ट्रभाषा वाद , बॉलीवूड पॅन इंडिया चित्रपट, किच्चा सुदीप, अजय देवगण, अजय देवगण लेटेस्ट ट्विट, किच्चा सुदीप विरुद्ध अजय देवगण, किच्चा सुदीप ट्विट, मनोरंजन न्यूज,बॉलीवूड न्यूज, मनोज बाजपेजी, मनोज बाजपेयी वक्तव्य
मनोज वाजपेयी

मुंबई : कलाकारांचे शिक्षण, त्यांचा अभ्यास हा सगळ्यांसाठीच कुतूहलाचा विषय असतो. एरव्ही अभिनयात शंभर टक्के पास असणारे कलाकार प्रत्यक्ष शालेय वा महाविद्यालयीन शिक्षणातही तितकेच हुशार असतात का ?, याबद्दल कळत-नकळत अनेकदा चाहत्यांकडून चाचपणी होत असते. ‘डिस्कव्हरी प्लस’च्या ‘द सिक्रेट्स ऑफ कोहिनूर’ या डॉक्युसीरिजमधून प्रेक्षकांसमोर येण्यासाठी उत्सूक असलेल्या मनोज वाजपेयीलाही त्याच्या शिक्षणाबद्दल प्रश्न विचारण्यात आला. बाकी शिक्षणाचे खरे नाही… पण इतिहासात कायमच रस वाटत आल्याचे त्याने सांगितले.

शाळा काय आणि महाविद्यालय काय… शिक्षण म्हणजे माझ्यासाठी फार अवघड कोडे होते, असे मनोज म्हणाला. कधी एकदा शिक्षण संपते आणि मी अभिनयाचे धडे गिरवतो,  असे मला वाटत होते. त्यातल्या त्यात इतिहासात मला रस वाटायचा, कारण इतिहासातील तारखा वगळल्या, तर ती गोष्टच असते. मी कायम इतिहासाचा गोष्टीसारखाच अभ्यास केला. त्यामुळे ‘डिस्कव्हरी प्लस’वरचे ‘सिक्रेट्स ऑफ सिनौली’ , ‘सिक्रेट्स ऑफ द कोहिनूर’सारखे कार्यक्रम करताना मला स्वतःला खूप आनंद वाटतो, असे मनोजने सांगितले. चित्रपट आणि वेबमालिकांमध्ये व्यस्त असलेल्या मनोज वाजपेयीने गेल्यावर्षी प्रसिध्द दिग्दर्शक नीरज पांडेची निर्मिती असलेल्या ‘सिक्रेट्स ऑफ सिनौली – डिस्कव्हरी ऑफ सेन्च्युरी’ या शोमध्ये सूत्रधाराची भूमिका केली होती. आताही नीरज पांडे आणि मनोज वाजपेयी ही जोडी ‘सिक्रेट्स ऑफ द कोहिनूर’ या डॉक्युसीरिजच्या माध्यमातून ‘डिस्कव्हरी प्लस’ वर परतते आहे. या दोन्ही डॉक्युसीरिजचे दिग्दर्शन राघव जयरथ यांनी केले आहे. जगात सर्वाधिक चर्चिला गेलेला कोहिनूर हिरा, तो मिळवण्यासाठी झालेल्या लढाया आणि प्रत्यक्षात त्याचे आताचे वास्तव असा खूप मोठा ऐतिहासिक प्रवास या डॉक्युसीरिजमधून उलगडणार असून ४ ऑगस्टपासून ‘सिक्रेट्स ऑफ द कोहिूनर’चे प्रसारण ‘डिस्कव्हरी प्लस’वर करण्यात येणार आहे.

kerala mercy killing news
दोन मुलांना दुर्मिळ आजार, संपूर्ण कुटुंबाच्या इच्छामरणासाठी केरळमधील दाम्पत्य सर्वोच्च न्यायालयात जाणार; म्हणाले…
Unnatural abuse of three minors by director of Varkari educational institution in Alandi
धक्कादायक! आळंदीत वारकरी शिक्षण देणाऱ्या संस्था चालकाकडून तीन अल्पवयीन मुलांवर अनैसर्गिक अत्याचार
Opportunity for education The calendar of exams to be conducted through UPSC has been announced
शिक्षणाची संधी: केंद्र सरकारमध्ये नोकरी मिळविण्याचा राजमार्ग
Teachers Wardha boycott Maratha survey
वर्धा : मराठा सर्वेक्षणावर शिक्षकांचा बहिष्कार; म्हणतात, “आमचे काम नव्हे,” प्रशासन पेचात…

नीरज – मनोज जोडगोळी नीरज पांडेचे दिग्दर्शन आणि मनोज वाजपेयीचा अभिनय हा योग ‘स्पेशल २६’, ‘नाम शबाना’, ‘अय्यारे’ सारख्या चित्रपटांमधून प्रेक्षकांनी अनुभवला आहे. नीरज पांडेचे दिग्दर्शन असो वा निर्मिती मनोज वाजपेयीचा त्याच्या कलाकृतींमध्ये महत्त्वाचा सहभाग असतोच. नीरज पांडेबरोबर असलेल्या या मैत्रीबद्दल बोलताना मनोज वाजपेयी म्हणाला की, आमच्या दोघांचेही डोके कायम ठिकाणावर असते. आजूबाजूचे भान ठेऊन आम्ही कायम वावरत आलो आहोत. दिग्दर्शक वा निर्माता म्हणून ज्या पध्दतीच्या कलाकृती नीरज पांडेने केल्या आहेत, त्याचा भाग व्हायला कायम आवडते, असे त्याने स्पष्ट केले.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Dates omitted history story manoj vajpayee education artists study curiosity mumbai print news ysh

First published on: 03-08-2022 at 12:55 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×