निकालास विलंब झाल्याने विद्यापीठात स्फोटाची धमकी

दरवर्षी विद्यापीठाच्या निकालांना विलंब होत असल्यामुळे त्याने हे कृत्य केले होते.

mumbai-univercity
मुंबई विद्यापीठ

विद्यार्थ्यांविरुद्ध गुन्हा दाखल

मुंबई : विद्यापीठाच्या वाणिज्य शाखेच्या निकालास विलंब होत असल्याच्या रागातून एका विद्यार्थ्यांने विद्यापीठ बॉम्बने उडवून देण्याची धमकी दिल्याचा प्रकार उघडकीस आला आहे. या युवकाने रागाच्या भरात विद्यापीठाला जुलै महिन्याच्या पहिल्या आठवड्यात चार ई-मेल पाठविले होते. त्यामुळे खळबळ उडाली होती. याप्रकरणी बीकेसी पोलिसांनी गुन्हा नोंदविला आहे. आरोपी विद्यार्थी हा वाणिज्य शाखेच्या पदवी अभ्यासक्रमाचे शिक्षण घेत आहे. दरवर्षी विद्यापीठाच्या निकालांना विलंब होत असल्यामुळे त्याने हे कृत्य केले होते. त्याने सलग चार ई-मेल विद्यापीठाला पाठविले होते. याप्रकरणी विद्यापीठ प्रशासनाने १२ जुलैला तक्रार दिली होती. त्यानंतर पोलिसांनी तपास करून शुक्रवारी गुन्हा नोंदविला, अशी माहिती अधिकाऱ्यांनी दिली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Delay in results threatens to blow up the university akp

ताज्या बातम्या