भुजबळांना जामीन देण्यास ‘ईडी’चा विरोध

सर्वोच्च न्यायालयाच्या निकालाच्या पाश्र्वभूमीवर भुजबळ काका-पुतण्याने पुन्हा एकदा विशेष न्यायालयात जामिनासाठी अर्ज केला आहे. मात्र ‘ईडी’तर्फे या जामिनाला तीव्र विरोध करण्यात आला. सर्वोच्च न्यायालयाने जामिनासंदर्भातील कायद्यातील एक कलम रद्द केले असले तरी जामिनाबाबतचे आणखी एक कलम अद्यापही कायम आहे. शिवाय सर्वोच्च न्यायालयाच्या निर्णयाचा आधार घेऊन जामिनाची विनंती करणाऱ्या भुजबळ काका-पुतण्याच्या गुन्हय़ाचे स्वरूप कमी नाही होत, असा दावा करीत ‘ईडी’ने जामिनाला विरोध केला. सुनावणीच्या वेळी भुजबळ काका-पुतणे जातीने हजर होते. शिवाय त्यांचे अख्खे कुटुंबही हजर होते.