सीमा शुल्क विभागाच्या हवाई गुप्तचर कक्षाने(एआययू) केलेल्या कारवाईत चार कोटींच्या परदेशी चलनासह एका कुटुंबातील तीन सदस्यांना अटक केली. आरोपी दुबईला जाण्याच्या प्रयत्नात होते, अशी माहिती अधिकाऱ्याने दिली.मुंबई विमानतळावर एआययूने केलेल्या कारवाईत चार लाख ९७ हजार अमेरिकन डॉलर जप्त केले आहेत. त्याची किंमत चार कोटी १० लाख रुपये असल्याची माहिती अधिकाऱ्याने दिली. एआययूने मिळालेल्या माहितीच्या आधारे एका कुटुंबातील तिघांना विमानतळावर ताब्यात घेण्यात आले. ते सर्व दुबईला जाण्याच्या तयारीत होते. हेही वाचा >>>पंतप्रधान मोदींकडून मोठी घोषणा! महाराष्ट्रासाठी २ लाख कोटींचे २२५ प्रकल्प मंजूर ताब्यात घेण्यात आलेल्या सदस्यांमध्ये दोन वयस्कर व्यक्ती व एका पुरूषाचा समावेश होता. त्याच्या बॅगांची तपासणी केली असता त्यात एकूण चार कोटी १० लाखांचे परदेशी चलन सापडले. कपडे, बूट यांच्यामध्ये आरोपींनी परदेशी चलन लपवले होते. त्यानंतर तिघांनाही सीमाशुल्क कायदयांतर्गत अटक करण्यात आली. तिघांची रवानगी न्यायालयीने कोठडीत करण्यात आली आहे. या मागे हवाला रॅकेटच्या सहभागाबाबत एआययू तपास करत आहे.
