मुंबई : राजन साळवींच्या पत्नी-मुलाची अटकेची टांगती तलवार कायम

मुंबई : बेहिशेबी मालमत्तेच्या आरोपाप्रकरणी लाचलुचपत प्रतिबंधक विभागाने (एसीबी) दाखल केलेल्या गुन्ह्यात अटक टाळण्यासाठी (उद्धव बाळासाहेब ठाकरे) शिवसेनेचे आमदार राजन साळवी यांची पत्नी आणि मुलाने केलेल्या याचिकेवरील सुनावणी उच्च न्यायालयाने मंगळवारी २१ फेब्रुवारी रोजी ठेवली. यावेळी न्यायालयाने दोघांनाही अंतरिम दिलासा देण्याबाबत कोणताही आदेश दिला नाही किंवा तपास यंत्रणेकडूनही कारवाई न करण्याबाबतची हमी देण्यात आली नाही. त्यामुळे, साळवी कुटुबीयांवर अटकेची टांगती तलवार कायम आहे.

आणखी वाचा

आमची देना बँक आहे, लेना बँक नाही, मुख्यमंत्री एकनाथ शिंदे यांची कल्याणमध्ये विरोधकांवर टीका

Madhurima Raje : सतेज पाटील ज्यांच्यामुळे ढसाढसा रडले…

Rashmi Shukla Transferred : रश्मी शुक्लांच्या बदलीवर शरद पवारांची प्रतिक्रया, म्हणाले, “आता त्या…”

डोंबिवलीतील कोपरमध्ये स्थगिती आदेश देऊनही बेकायदा बांधकामाची उभारणी सुरूच; शासन, कडोंमपाचे आदेश बांधकामधारकांकडून दुर्लक्षित

कांदिवली औद्योगिक वसाहतीचा ११६ एकर भूखंड परत घेण्याचे आदेश, उच्च न्यायालयाकडून तूर्त अंतरिम स्थगिती

संविधानभान: मारुती कांबळेचं काय झालं?

Yogi Adityanath Death Threat : ‘१० दिवसांत राजीनामा द्या, अन्यथा बाबा सिद्दिकी यांच्यासारखा शेवट करू’; मुख्यमंत्री योगी आदित्यनाथ यांना धमकी

“गडचिरोलीत वडेट्टीवारांचा हस्तक्षेप कधीपर्यंत सहन करणार,” माजी आमदाराचा सवाल

या प्रकरणी दाखल प्राथमिक माहिती अहवालाची (एफआयआर) पूर्ण प्रत याचिकेसह जोडण्यात आलेली नाही. साळवीं यांच्या पत्नी आणि मुलाने अटकपूर्व जामिनासाठी अपूर्ण कागदपत्रांसह याचिका केली आहे. अशा अपूर्ण याचिकेवर सुनावणी कशी घेतली जाऊ शकते, असा प्रश्न न्यायमूर्ती सारंग कोतवाल यांच्या एकलपीठाने उपस्थित केला. तसेच, संपूर्ण कागदपत्रांचा समावेश असलेली याचिका सादर करण्याचे स्पष्ट करून याचिकेवरील सुनावणी २१ फेब्रुवारी रोजी ठेवली. असे असले तरी साळवी कुटुंबीयांना अंतरिम दिलासा देण्याबाबत न्यायालयाने कोणताही आदेश दिला नाही. तपास यंत्रणेकडूनही सरकारी वकील हितेन वेणेगावकर यांनीही तूर्त कारवाई न करण्याबाबत हमी दिली नाही.

आणखी वाचा-खासगी बँकेच्या मुख्य व्यवस्थापकाच्या सायबर फसवणुकीप्रकरणी तरूणाला मध्यप्रदेशातून अटक

बेहिशेबी मालमत्तेप्रकरणी राजन साळवी यांच्यासह त्यांची पत्नी आणि मुलाविरोधात रत्नागिरी एसीबीने रत्नागिरी शहर पोलीस ठाण्यात गुन्हा दाखल केला आहे. त्यानंतर, पत्नी आणि मुलाला अटकेपासून संरक्षण मिळण्यासाठी साळवी यांनी उच्च न्यायालयात धाव घेतली आहे. त्यांनी स्वत: मात्र याचिका केलेली नाही.

दरम्यान, ऑक्टोबर २००९ ते २ डिसेंबर २०२२ पर्यंत १४ वर्षात बेहिशेबी मालमत्ता जमा केल्याचा आरोप साळवीं कुटुंबीयांवर आहे. साळवींकडे तीन कोटी ५३ लाख इतकी बेहिशेबी मालमत्ता सापडल्याचा आरोप असून त्यांची मूळ संपत्ती अंदाजे दोन कोटी ९२ लाख रुपये इतकी आहे. बेहिशेबी मालमत्तेचा ११८ टक्क्यांनी जास्त असल्याचा आरोपही त्यांच्यावर आहे.