नक्षलवाद्यांशी संबंध असल्याच्या आरोपावरून अटक करण्यात आलेले आणि सध्या नागपूर कारागृहात असलेले प्रो. जी. एन. साईबाबा यांच्या आरोग्याचा वैद्यकीय अहवाल सादर करण्याचे आदेश मुंबई उच्च न्यायालयाने सरकारसह नागपूर पोलीस आयुक्त, कारागृह अधीक्षक यांना बुधवारी दिले.
पक्षाघाताच्या झटक्यानंतर साईबाबा यांना ९० टक्के अपंगत्त्व आले असून ते अंथरुणाला खिळून आहेत. त्यांच्या प्रकृतीबद्दल सामाजिक कार्यकर्त्यां पूर्णिमा उपाध्याय यांनी न्यायालयाशी पत्रव्यवहार केला होता. त्यांच्या पत्राची मुख्य न्यायमूर्ती मोहित शहा आणि न्यायमूर्ती अनिल मेनन यांच्या खंडपीठाने गंभीर दखल घेत त्याचे याचिकेमध्ये रुपांतर केले आहे.