scorecardresearch

Premium

काळनिर्णय.. : ‘कालनिर्णय’चे संस्थापक, ज्योतिष जयंतराव साळगांवकर यांचे निधन

महाराष्ट्राच्या घराघरांत पोहोचून प्रत्येकाला काळाचे भान करून देणाऱ्या ‘कालनिर्णय’ दिनदर्शिका आणि पंचांगाचे संस्थापक, ज्योतिष आणि धर्मशास्त्राचे गाढे अभ्यासक, सार्वजनिक गणेशोत्सव मंडळे, मराठी व्यापारी संस्था, मराठी उद्योजक-

काळनिर्णय.. : ‘कालनिर्णय’चे संस्थापक, ज्योतिष जयंतराव साळगांवकर यांचे निधन

महाराष्ट्राच्या घराघरांत पोहोचून प्रत्येकाला काळाचे भान करून देणाऱ्या ‘कालनिर्णय’ दिनदर्शिका आणि पंचांगाचे संस्थापक, ज्योतिष आणि धर्मशास्त्राचे गाढे अभ्यासक, सार्वजनिक गणेशोत्सव मंडळे, मराठी व्यापारी संस्था, मराठी उद्योजक-व्यावसायिकांचे प्रमुख आधारस्तंभ ज्योतिर्भास्कर जयंतराव साळगांवकर यांचे मंगळवारी पहाटे हिंदुजा रुग्णालयात वृद्धापकालीन आजाराने निधन झाले. ते ८४ वर्षांचे होते. साळगांवकर यांच्या निधनाने महाराष्ट्राच्या संतपरंपरेचा आणि धर्मशास्त्राचा गाढा अभ्यासक काळाआड गेल्याची भावना विविध थरांतून व्यक्त होत आहे. त्यांच्या पश्चात पत्नी, तीन पुत्र, सुना आणि नातवंडे असा परिवार आहे.
 गेल्या तीन दिवसांपासून प्रकृती-अस्वास्थ्यामुळे साळगांवकर यांच्यावर रुग्णालयात उपचार सुरू होते. सोमवारी दुपारनंतर त्यांची प्रकृती अधिकच खालावल्याने त्यांना अतिदक्षता विभागात दाखल करण्यात आले. मात्र उपचार सुरू असतानाच मंगळवारी पहाटे सव्वापाचच्या सुमारास त्यांची प्राणज्योत मालवली. जयंतरावांच्या निधनाचे वृत्त पसरताच सकाळपासूनच माटुंगा येथील लक्ष्मी सदन या त्यांच्या निवासस्थानी असंख्य चाहत्यांची रीघ लागली. संध्याकाळी साळगांवकर यांच्या निवासस्थानापासून त्यांची अंत्ययात्रा निघाल्यावर वाटेतही असंख्य चाहत्यांनी त्यांचे अंत्यदर्शन घेतले. शिवाजी पार्क स्मशानभूमीत जयंतरावांचे ज्येष्ठ पुत्र जयराज यांनी त्यांच्यावर अग्निसंस्कार केले. विविध क्षेत्रातील त्यांचे असंख्य चाहते यावेळी उपस्थित होते.
राजकारण, उद्योग, कला, साहित्यक्षेत्रातील नामवंतांनी साळगांवकर यांना श्रद्धांजली अर्पण केली. सार्वजनिक गणेशोत्सवाला शिस्तीचे भान देण्यासाठी साळगांवकरांनी अविरत प्रयत्न केले होते. काही दिवसांवर आलेल्या गणेशोत्सवापूर्वीच साळगांवकर यांचे निधन झाल्याने सार्वजनिक गणेशोत्सव मंडळांचे पदाधिकारी व कार्यकर्ते यांना धक्का बसला आहे.

solid policy is needed for tourism growth in Kolhapur Opinion in the seminar
कोल्हापूरच्या पर्यटनवाढीसाठी ठोस धोरण आवश्यक; चर्चासत्रातील मत
prabhakar devdhar
इलेक्ट्रॉनिक आयोगाचे माजी अध्यक्ष देवधर यांचे निधन; ‘अ‍ॅप्लॅब इंडिया’चे संस्थापकप्रवर्तक
gyanvapi sita sahoo
“ज्ञानवापीच्या जागी हिंदू मंदिरं होती”, सर्वेक्षणानंतर याचिकाकर्त्या म्हणाल्या, “आम्ही स्वतः पाहिलं, तिथे अतिप्राचीन…”
uddhav thackeray perform puja at kalaram mandir in nashik
उद्धव ठाकरेंकडून काळाराम मंदिरात पूजा; शिबिर, सभेच्या माध्यमातून नाशिकमध्ये आज शक्तिप्रदर्शन

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Jayant salgaonkar astrologer passed away

First published on: 21-08-2013 at 03:08 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×