राज ठाकरेंनी घेतली मनसे विभाग अध्यक्ष सुशांत माळवदेंची भेट

नेमकं प्रकरण काय?
काल सकाळी माळवदे मालाड स्थानकाबाहेर फेरीवाल्यांचा निषेध करण्यासाठी आपल्या कार्यकर्त्यांसह गेले असताना पोलिसांनी प्रसंगावधान राखून माळवदे यांना अटक केली. माळवदे यांना अटक आणि सुटका झाल्यानंतर दुपारी तीनच्या सुमारास पुन्हा ते स्थानकाबाहेर गेले. त्यावेळी फेरीवाल्यांच्या जमावाने माळवदे यांना जबर मारहाण करत त्यांना गंभीर जखमी केले. यामध्ये माळवदे यांच्या डोक्‍याला व हाताला गंभीर दुखापत झाली.

सुशांत माळवदे आमच्या महाराष्ट्र सैनिकावर भ्याड हल्ला.या हल्याचा तीव्र निषेध.महाराष्ट्र नवनिर्माण सेना सुशांत माळवदेंच्या पाठी खंबीर उभी आहे pic.twitter.com/fTknEPuquI

— MNS Adhikrut – मनसे अधिकृत (@mnsadhikrut) October 28, 2017

या घटनेनंतर मनसेचे कार्यकर्ते पुन्हा मालाड स्थानकाबाहेर मोठ्या संख्येने जमले आणि त्यांनी निदर्शने केली. यावेळी पोलीस व मनसे कार्यकर्त्यांमध्ये धक्काबुक्की झाल्याचे समजते. पोलिसांनी मनसेचे सरचिटणीस संदीप देशपांडे यांच्यासह मनसे कार्यकर्त्यांना ताब्यात घेतले. दरम्यान, मुंबईच्या अन्य भागांमध्येही या घटनेचे पडसाद उमटले. या घटनेनंतर दादर आणि मुलूंड परिसरातील फेरीवाल्यांना मनसेच्या कार्यकर्त्यांनी हुसकावून लावले. मनसेच्या कार्यकर्त्यांनी दादर स्थानकाजवळील फेरीवाल्यांच्या स्टॉलची तोडफोड केली. प्लाझा चित्रपटगृहाबाहेरील फेरीवाल्यांच्या सामानाची तोडफोड व नासधूस करण्यात आली. त्यामुळे मुंबईच्या सर्वच मुख्य स्थानकांबाहेर पोलिसांनी चोख बंदोबस्त ठेवला आहे.

ठळक घडामोडी:

* मालाड पोलीस ठाण्यात संजय निरुपम यांच्याविरोधात चिथावणीचा गुन्हा दाखल
* मालाड भागात मनसे कार्यकर्त्याला झालेल्या मारहाण प्रकरणी ७ कार्यकर्त्यांवर गुन्हे दाखल
* सुशांत माळवदे यांची विचारपूस करण्यासाठी राज ऑस्कर रुग्णालयात
* राज ठाकरे कांदिवलीत दाखल; मनसेच्या जखमी कार्यकर्त्यांची विचारपूस

आज सकाळी १०.०० वाजता राजसाहेब ऑस्कर हाॅस्पीटल येथे मनसे विभागअध्यक्ष सुशांत माळवदेंच्या प्रकृतीची चौकशी करण्यासाठी जाणार आहेत. pic.twitter.com/f025FlN47m

— MNS Adhikrut – मनसे अधिकृत (@mnsadhikrut) October 29, 2017