महाराष्ट्राचे उपमुख्यमंत्री अजित पवार हे मुख्यमंत्री देवेंद्र फडणवीस यांची भेट घेण्यासाठी वर्षा निवासस्थानी दाखल झाले आहेत. दिवसभरातील घडामोडीनंतर रात्री १०च्या सुमारास अजित पवार हे आपल्या चर्चगेट येथील निवास्थातून बाहेर पडून थेट मुख्यमंत्र्यांच्या वर्षावर आले आहेत.

 

राज्यातील सत्तासंघर्षांसंदर्भात उद्या सर्वोच्च न्यायालयात पुन्हा सुनावणी होणार असून सकाळी साडेदहा वाजेपर्यंत सरकार स्थापण्याच्या प्रक्रियेबाबत सर्व कागदपत्रे सादर करण्याचा आदेश न्यायालयाने दिले आहेत. त्यामुळे उपमुख्यमंत्री अजित पवार यांची ही भेट महत्त्वाची ठरणार आहे.