मालेगाव बॉम्बस्फोट; आणखी एक साक्षीदार फितूर

सध्या या खटल्याची नियमित सुनावणी सुरू असून गुरुवारी झालेल्या सुनावणीच्या वेळी या साक्षीदाराने आपण स्वेच्छेने जबाब दिला नसल्याचे न्यायालयाला सांगितले. त्यानंतर विशेष न्यायालयाचे न्यायाधीश पी. आर. सित्रे यांनी त्याला फितूर साक्षीदार जाहीर केले. एटीएसने आपल्याला अनेक वेळा ताब्यात घेतले आणि आपली छळवणूक केली. एटीएसच्या अधिकाऱ्यांनी आपल्याला रा. स्व. संघ आणि संघाच्या नेत्यांची नावे घेण्यासही भाग पाडले. आपण संघाचा कार्यकर्ता नाही आणि आपल्याला संघाच्या नेत्यांची नावेही माहीत नाही, असा दावा या साक्षीदाराने त्याला फितूर जाहीर करण्यापूर्वी केला.