scorecardresearch

Premium

मुंबईः पाच विद्यार्थिनींचा विनयभंग केल्याप्रकरणी शाळेच्या शिपायाला अटक

वांद्रे परिसरातील एका शाळेमध्ये हा प्रकार घडला.

Molestation of five minor female students peon school Bandra, Peon arrested under pocso mumbai
पाच विद्यार्थिनींचा विनयभंग केल्याप्रकरणी शाळेच्या शिपायाला अटक (छायाचित्र- लोकसत्ता ग्राफिक्स टीम)

मुंबईः वांद्रे येथील एका शाळेतील शिपायाने पाच अल्पवयीन विद्यार्थिनींचा विनयभंग केल्याचा गंभीर प्रकार उघडकीस आला असून याप्रकरणी वांद्रे पोलिसांकडे तक्रार करण्यात आल्यानंतर मंगळवारी विनयभंगासह बालकांचे लैंगिक अपराधापासून संरक्षण कायद्याअंतर्गत (पोक्सो) गुन्हा दाखल करण्यात आला. त्यानंतर याप्रकरणी ३३ वर्षीय शिपायाला अटक करण्यात आली.

वांद्रे परिसरातील एका शाळेमध्ये हा प्रकार घडला. तक्रारीनुसार २ ते ७ नोव्हेंबर या काळात आरोपीने पाच मुलींना पहिल्या सहामाही परीक्षेचे पेपर देताना आक्षेपार्ह संभाषण केले. तसेच त्याने मोबाइलद्वारे दूरध्वनी करून, तसेच इलेक्ट्रॉनिक साधनांद्वारे या मुलींशी संपर्क साधण्याचा प्रयत्न केला. तसेच संभाषण करताना दुहेरी अर्थांच्या शब्दांचा वापर करून तो बोलत होता. याप्रकरणी वांद्रे पोलिसांना तक्रार प्राप्त झाल्यानंतर त्यांनी तात्काळ विनयभंग व पोक्सो कायद्याअंतर्गत गुन्हा दाखल केला.

Drugs case arrest Nashik
नाशिकमध्ये अमली पदार्थाची खरेदी, विक्री प्रकरणी पाच जण ताब्यात
ration distribution mediator beaten Kalyan
कल्याणमध्ये शिधावाटप मध्यस्थाला लोखंडी सळईने मारहाण
Controversial board regarding Babri Masjid in the premises of FTII controversy among student organizations
‘एफटीआयआय’च्या आवारात बाबरी मशिदीबाबत वादग्रस्त फलक, विद्यार्थी संघटनांमध्ये बाचाबाची
kalyan dombivli school students, celebrated shri ram temple opening ceremony
डोंबिवली, कल्याणमध्ये ‘रामोत्सव’, दीपोत्सव; विद्यार्थ्यांच्या प्रभात फेऱ्या, राम नामाचा गजर

हेही वाचा… भाजपचे सर्वाधिक कंदील, मनसेचा दीपोत्सव, शिंदे गटाचेही कंदील वाढले; मुंबईत राजकीय आकाशकंदिलांचा झगमगाट

पीडित मुली १५ ते १७ वर्षे वयोगटातील आहेत. आरोपीच्या गैरवर्तनाचे सीसी टीव्ही कॅमेऱ्यातील चित्रीकरणही पोलिसांना प्राप्त झाले असून त्याच्या आधारावर मंगळवारी पोलिसांनी घटनास्थळावरून ३३ वर्षीय आरोपीला अटक केली. अटक आरोपी भाईंदर येथील रहिवासी आहे. आरोपीविरोधात यापूर्वी कोणताही गुन्हा दाखल नसून आरोपीने अशा प्रकारे इतर मुलींचीही छेडछाड केली आहे का ? याबाबत पोलीस तपास करीत आहेत. पीडित मुलींनी याबाबत शाळा प्रशासनाकडे तक्रार केली होती. त्यानंतर शाळेच्या व्यवस्थापकांच्या तक्रारीवरून पोलिसांनी याप्रकरणी गुन्हा दाखल केल्याचे पोलिसांनी सांगितले.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Molestation of five minor female students by peon in a school in bandra peon arrested under pocso mumbai print news dvr

First published on: 09-11-2023 at 11:32 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×