मुंबई : आपल्या विविध मागण्यांसाठी महानगरपालिकेच्या आरोग्य सेविका व आशा सेविका यांनी पुकारलेल्या काम बंद आंदोलनाची दखल घेत मुंबई महानगरपालिकेचे अतिरिक्त आयुक्त डॉ. सुधाकर शिंदे यांनी बुधवारी दुपारी २ वाजता सविस्तर चर्चा करण्याचे आश्वासन दिले. मात्र बैठकीत मागण्यांबाबत निर्णय होईपर्यंत आंदोलन कायम ठेवण्याचा निर्णय आरोग्य सेविका व आशा सेविकांनी घेतला आहे. दरम्यान, मागण्यांबाबत मुख्यमंत्री एकनाथ शिंदे यांच्यासोबतही बुधवारी बैठक होणार असल्याचे संघटनेकडून सांगण्यात आले.

किमान वेतन, भविष्य निर्वाह निधी व निवृत्ती वेतन, प्रसूतीविषयी फायदे, गटविमा योजना लागू करावी किंवा १५ हजार रुपये वार्षिक विम्याचा हप्ता द्यावा, दर महिन्याच्या १ ते १० तारखेपर्यंत वेतन मिळावे, महापालिकेच्या आरोग्य सेविकांच्या रिक्त जागांवर आशा सेविकांची नियुक्ती करावी, अशा विविध मागण्यांसाठी मंगळवारी सकाळपासून तीन हजारांहून जास्त आशा सेविका आणि आरोग्य सेविकांनी आझाद मैदानात बेमुदत काम बंद आंदोलन पुकारले होते.

Mumbai, Water supply,
मुंबई : पूर्व उपनगरात गुरुवारी पाणीपुरवठा बंद; चेंबूर, गोवंडी, देवनारमध्ये पाणी नाही
Mumbai Thane Kalyan Bhiwandi Lok Sabha Election Result Live Updates in Marathi
Thackeray vs Shinde Lok Sabha Election Result 2024 Updates : मुंबईत ठाकरेंचे दोन, भाजपा अन् शिंदे गटाचा एक उमेदवार विजयी घोषित; दोन जागांवरचा निकाल प्रतिक्षेत!
Mumbai, woman, chased,
मुंबई : विनयभंग करून पळणाऱ्या आरोपीला पाठलाग करून महिलेने पकडले; दोन अल्पवयीन मुलींचा केला विभायभंग
Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
Sharad Pawar and Ajit Pawar
अजित पवारांसाठी परतीचे दार बंद झाले का? शरद पवारांचं चार शब्दांत उत्तर; म्हणाले, “सवाल…”
What Kangana Said?
कंगनाचा धक्कादायक दावा, “कोणतीही नवी हिरोईन आली की तिला दाऊदसमोर..”
yogendra yadav
“लोकसभेच्या निकालानंतर अजित पवार आणि एकनाथ शिंदे…”, योगेंद्र यादव यांचं मोठं विधान!
Eknath Shinde
“नाशकात कांद्याने रडवलं, विदर्भ-मराठवाड्यात…”, एकनाथ शिंदेंनी सांगितली लोकसभेतील अपयशाची चार कारणं

हेही वाचा – पावसात झाडांखाली थांबू नये, मुंबई महानगरपालिकेचे मुंबईकरांना आवाहन

हेही वाचा – चौपाट्यांवर तैनात सुरक्षा रक्षक मूलभूत सुविधांपासून वंचित, सुविधा उपलब्ध करण्याची म्युनिसिपल कर्मचारी कामगार सेनेची मागणी

आंदोलनाची दखल न घेतल्यास रस्त्यावर उतरून आंदोलन करण्याचा इशारा आशा सेविका आणि आरोग्य सेविकांनी दिला होता. दरम्यान, मुंबई महानगरपालिकेचे आयुक्त भूषण गगराणी यांनी आंदोलनाची दखल घेत अतिरिक्त आयुक्त डॉ. सुधाकर शिंदे यांना आशा सेविका आणि आरोग्य सेविका यांच्या मागण्यांबाबत चर्चा करण्यास सांगितले. त्यानुसार त्यांनी मंगळवारी प्राथमिक चर्चा करून बुधवारी दुपारी सविस्तर चर्चा करण्याचे आश्वासन दिल्याची माहिती महापालिका आरोग्य सेवा कर्मचारी संघटना आणि म्युनिसिपल आशा सेविका युनियनचे अध्यक्ष ॲड. प्रकाश देवदास यांनी दिली. दरम्यान, मुख्यमंत्री एकनाथ शिंदे यांच्यासोबतही बुधवारी बैठक होणार आहे. मात्र मागण्यांबाबत योग्य निर्णय होईपर्यंत आशा सेविका आणि आरोग्य सेविकांचे आदोलन सुरू राहील, असे ॲड. प्रकाश देवदास यांनी सांगितले.