२०१८ मधील ६१०० पदभरती प्रक्रिया पूर्ण मुंबई : पोलीस शिपाई भरतीसाठी २०१८ मध्ये सुरू झालेल्या प्रक्रियेतून सर्व ६१०० पदांची भरती पूर्ण झाली असून आता २०१९ मध्ये जाहीर झालेल्या पोलीस शिपायांच्या ५२९७ पदांची भरती प्रक्रिया सुरू झाली आहे. पोलीस शिपायांच्या ६१०० पदांची भरती झाल्यानंतर प्रतीक्षा यादी करण्यात आली. तसेच रुजू न झालेल्या उमेदवारांच्या ४५६ जागेवर प्रतीक्षा यादीवरील उमेदवारांना नियुक्त्या देण्यात आलेल्या आहेत. पोलीस शिपायांच्या ५२९७ पदांच्या भरतीसाठी २०१९ मध्ये सुरू झालेल्या भरती प्रक्रियेत एकूण ११ लाख ९७ हजार ४१५ अर्ज आले आहेत. ही भरती प्रक्रिया ऑक्टोबर २०२१ अखेर पूर्ण करण्याचे नियोजित करण्यात आले असून त्यादृष्टीने कार्यवाही प्रगतीपथावर आहे, असे गृहविभागाने म्हटले आहे.
