scorecardresearch

Premium

“निवडणूक आयोग खरंच जीवंत असेल, तर त्यांनी…”; अमित शाहांच्या ‘त्या’ वक्तव्यावर राऊतांची आक्रमक मागणी

शिवसेनेच्या ठाकरे गटातील खासदार संजय राऊत यांनी मध्य प्रदेश विधानसभा निवडणुकीच्या प्रचारात केंद्रीय गृहमंत्री अमित शाहांनी दिलेल्या आश्वासनावर सडकून टीका केली.

Sanjay Raut Narendra Modi Amit Shah
मध्य प्रदेश आणि राजस्थानमधील भाजपाला मिळालेलं यश पंतप्रधान मोदी आणि गृहमंत्री शाहांचं नसल्याचं संजय राऊतांनी म्हटलं. ( संग्रहित छायाचित्र )

शिवसेनेच्या ठाकरे गटातील खासदार संजय राऊत यांनी मध्य प्रदेश विधानसभा निवडणुकीच्या प्रचारात केंद्रीय गृहमंत्री अमित शाहांनी दिलेल्या आश्वासनावर सडकून टीका केली. अमित शाह मध्य प्रदेशात भाजपा सरकार आल्यास मोफत रामलल्ला दर्शनाचं आश्वासन देत असल्याचा आरोप संजय राऊतांनी केला. तसेच भाजपाचा पराभव झाल्यास पैसे घेणार का? असा सवाल केला. मोदी सरकारने रामलल्लांवरही कर लावल्याचाही आरोप राऊतांनी केला. ते मंगळवारी (१४ नोव्हेंबर) माध्यमांशी बोलत होते.

संजय राऊत म्हणाले, “अमित शाह मध्य प्रदेशमध्ये भाजपाचं सरकार आल्यास नागरिकांना मोफत रामलल्लांचं दर्शन करण्यास नेण्याचं आश्वासन देत आहेत. हे मोफत, ते मोफत असं भाजपाचं सुरू होतं. आता रामलल्लाही मोफत असं झालंय. रामलल्ला देशाचे आणि संपूर्ण विश्वाचे आहेत. मात्र, ते निवडणूक प्रचारात रामलल्लांचा वापर करत आहेत. याचा अर्थ मध्य प्रदेशच्या जनतेने भाजपाला पराभूत केलं, तर रामलल्लांच्या दर्शनाला गेलेल्या मध्य प्रदेशच्या नागरिकांना अडवणार का?”

Vijay Wadettiwar slams bjp leader chandrashekhar bawankule
‘छोटे पक्ष संपवा’, चंद्रशेखर बावनकुळेंच्या विधानावर विजय वडेट्टीवारांची टीका; म्हणाले, “खून करण्याचे..”
loksatta chadani chowkatun Farmers movement in Punjab Central Goverment
चांदणी चौकातून : शेतकऱ्यांचं आंदोलन २.०
goa reservation
गोव्यातील अनुसूचित जमातींना का हवे आहे राजकीय आरक्षण? वाचा सविस्तर…
Finance Minister Nirmala Sitharaman reply to opponents that there is no bias in fund distribution
निधीवाटपात पक्षपात नाही! अर्थमंत्री निर्मला सीतारामन यांचे विरोधकांना प्रत्युत्तर

“भाजपाला मतदान दिलं तर रामलल्लांचं दर्शन मोफत, नाहीतर पैसे”

“भाजपाला मतदान दिलं तर रामलल्लांचं दर्शन मोफत, नाहीतर पैसे द्यावे लागतील, दर्शन देणार नाही, असं राजकारण देशात सुरू आहे. रामलल्लांवरही मोदी सरकारने कर लावला. औरंगजेबाच्या काळात धार्मिक गोष्टींवर जिझिया कर लावला जायचा. आता भाजपाने रामलल्लांवर कर लावला. यासाठी भाजपाने माफी मागितली पाहिजे,” अशी मागणी संजय राऊत यांनी केली.

हेही वाचा : “उद्धव ठाकरेंना रोखण्यासाठी पोलिसांचं कारस्थान, त्यासाठी…”; संजय राऊतांचा गंभीर आरोप

“भाजपा रामलल्लांची मालक झाली आहे का?”

“निवडणूक प्रचारात भाजपा नेत्यांकडून अशी वक्तव्ये होत आहेत. भाजपा रामलल्लांची मालक झाली आहे का? की रामलल्लांनी भाजपाला नियुक्त केलंय? हा फार गंभीर मुद्दा आहे. निवडणूक आयोग खरंच जीवंत असेल, तर त्यांनी या मुद्द्यावर भाजपावर कारवाई करायला हवी,” असं आव्हान संजय राऊत यांनी केंद्रीय निवडणूक आयोगाला दिलं.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Sanjay raut criticize pm narendra modi amit shah over mp election assurance pbs

First published on: 14-11-2023 at 10:24 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×