लैंगिक अत्याचारप्रकरणी दहा वर्षांचा कारावास

पीडित मुलगी आणि तिच्या आईने दिलेली साक्ष न्यायालयाने त्याला शिक्षा सुनावताना प्रामुख्याने ग्राह्य़ धरली. या मुलीने न्यायालयासमोर साक्ष दिली त्या वेळी ती सहा वर्षांची होती. त्यामध्ये बसमध्ये तिच्यासोबत केवळ ‘ब्लू अंकल’ म्हणजेच निळ्या गणवेशातील आरोपी होता. बसमधील महिला मदतनीस तेव्हा तेथे उपस्थित नव्हती.

दुसरा ‘ब्लू अंकल’ हा अन्य मुलांना बसमधून उतरवत होता. तर ‘ब्राऊन अंकल’ म्हणजेच बसचा चालक बसची पाहणी करत होता. यापूर्वीही आरोपीने तिच्यावर लैंगिक अत्याचार केला होता, असेही या मुलीने न्यायालयात बसलेल्या आरोपीची ओळख पटवताना सांगितले होते. दरम्यान, बसमधील महिला मदतनीसाने आरोपीच्या वतीने साक्ष देताना पुरुषांना बसमध्ये जाण्यास मज्जाव असल्याचे सांगून आरोपीचा बचाव करण्याचा प्रयत्न केला होता.