विधानसभा निवडणुकीच्या तोंडावर सर्वच राजकीय पक्षांमध्ये फाटाफुटीला ऊत आल्याचे दिसत आहे. मुंबईतही शनिवारी शिवसेनेच्या नगसेविका आणि माजी महापौर डॉ. शुभा राऊळ यांनी शनिवारी मनसेकडून उमेदवारी अर्ज भरून याचा प्रत्यय दिला. त्यामुळे आता दहीसर विधानसभा मतदासंघात विनोद घोसाळकर यांच्याविरुद्ध शुभा राऊळ अशी थेट लढत रंगणार असल्याचे चित्र स्पष्ट आहे. नगरसेविका शीतल म्हात्रे प्रकरणात घोसाळकर यांच्याविरुद्ध तक्रार करूनही शिवसेनेच्या वरिष्ठ नेत्यांनी बघ्याची भूमिका घेतल्याचा आरोप त्यांच्याकडून करण्यात आला होता. त्यामुळे गेल्या काही दिवसांपासून शुभा राऊळ पक्षनेतृत्वार नाराज होत्या.
