एप्रिल-मे महिना सुरू झाला की अनेकांना आमरस पुरीचे वेध लागतात. अनेक घरात आठवडय़ातून एकदा तरी आमरसाचा बेत आखला जातो. गिरगावातील सुजाता उपाहारगृह तर चविष्ट आमरस पुरीसाठी प्रसिद्ध आहे. या मराठमोळ्या हॉटेलमध्ये सीझनल स्पेशल चार पदार्थ आहेत. आमरस पुरी, फ्रेश मँगो विथ आइस्क्रीम, आंबा डाळ, आंबा पन्ह. आगदी घरगुती पद्धतीने तयार केलेले हे पदार्थ चविष्ट तर आहेतच पण मुख्य म्हणजे खिशालाही परवडणारे आहेत.

Eating nutritious makhana kheer is beneficial for health
मखाण्याची पौष्टिक खीर खाणं आरोग्यासाठी फायदेशीर; पटकन नोट करा साहित्य आणि कृती
Loksatta kutuhal Weather forecasting and artificial intelligence
कुतूहल: हवामानाचा अंदाज व कृत्रिम बुद्धिमत्ता
Reheat your food properly before eating WHO advice and Doctor Said About Here are some reheating strategies to try
जेवण वारंवार गरम करून खाताय का? तुमच्या तब्येतीवर त्याचा काय परिमाण होईल? डॉक्टरांनी सांगितलेले उपाय फॉलो करून बघा
What The Color Of Your Pee Means
लघवीचा रंग कसा, किती व का बदलतो? शरीराचा संकेत ओळखा, रंगहीन लघवी सुद्धा ठरू शकते मोठा धोका, वाचा मुत्राच्या रंगाचे अर्थ
White Or Brown Which Eggs Are Better For Taste
पांढऱ्या व तपकिरी अंड्यातील बलकाचा रंग का वेगळा असतो? गुणवत्तेवर काय परिणाम होतो? खरेदी करताना काय लक्षात ठेवाल?
balmaifal story, balmaifal story for kids, pour your soul in work, pour your heart in work, secret of success, balmaifal article, loksatta article,
सुखाचे हॅशटॅग: पूर्णपणे मन ओता..
why should not eat idli and dosa daily
इडली डोसा नियमित का खाऊ नये? आंबवलेले पदार्थ आठवड्यातून कितीदा खाणे चांगले? वाचा, तज्ज्ञ काय सांगतात….
health special, dementia patients, treatment dementia patients, treatment type of dementia patients, Psychiatrist, Neurologist, Donepezil, Rivastigmine, Galantamine, Memantine, behavioural interventions, Cognitive training, cognitive rehabilitation, Cognitive stimulation therapy,
Health Special: डिमेन्शियाच्या रुग्णांवर कसे व किती प्रकारचे उपचार केले जातात?

बी. तांबे या गिरगावातील शंभरहून अधिक वष्रे जुन्या उपाहारगृहाची मालकी सुनील कर्नाळे यांच्याकडे आली आणि सहा वर्षांपूर्वी त्याचे सुजाता उपाहारगृह असे नामकरण झाले. पूर्वीपासूनच अस्सल मराठी पदार्थ मिळणाऱ्या या ठिकाणी आजही मेन्यूमध्ये मराठी पदार्थाचीच रेलचेल दिसते. खरं तर सुजाताचा मेन्यूही इतर उपाहारगृहांच्या तुलनेत पदार्थाच्या आणि प्रकारांच्या संख्येत वेगळा आहे. पण तत्पूर्वी मुख्य खाद्यपदार्थ आंबा. इथे घरगुती पद्धतीने म्हणजेच मिक्सरचा वापर न करता हाताने तयार केलेला आमरस मिळतो. त्यासाठी देवगड, रत्नागिरी हापूस आंबा वापरला जातो. कुठलाही रंग किंवा गोडसरपणा येण्यासाठी कुठल्याही पदार्थाचा वापर न केल्याने आंब्याची मूळ चव टिकून राहते. केशरी, घट्ट असा हा आमरस नुसताच किंवा पुरीसोबत मागवता येऊ शकतो. तळहाताच्या आकाराच्या काचेच्या भांडय़ात फक्त आमरस केवळ ६५ रुपये आणि सहा गरमागरम पुऱ्यांसोबत ९५ रुपये इतकी माफक त्याची किंमत आहे. आंबा डाळ आणि आंबा पन्ह हेदेखील पदार्थ आवर्जून खाण्यासारखे आहेत. कारण मार्च, एप्रिल आणि मे हे तीन महिनेच तुम्हाला ते इथे चाखायला मिळतील. या तीन पदार्थाशिवाय आवर्जून खावा असा पदार्थ म्हणजे फ्रेश मँगो विथ आइस्क्रीम. एका बाऊलमध्ये तळाला आमरस, त्यावर व्हॅनिला आइस्क्रीमचा स्कूप आणि मग बाजूने हापूस आंब्याचे चौकोनी तुकडे. हे ऐकायला आणि दिसायला आकर्षक असलं तरी ते कसं खावं हेदेखील जाणून घेणं महत्त्वाचं आहे. चमच्याने घास घेताना तळाला आमरस त्यावर व्हॅनिला आइस्क्रीम आणि सर्वात वर आंब्याचा तुकडा हे एकत्रितपणे खाता येणं हे कौशल्याचं काम आहे. तरच या प्रकाराच्या चवीची अनुभूती तुम्हाला येईल.

आंब्याचा आस्वाद घेऊन झाल्यावर तुम्हाला इतर पदार्थाकडे वळायला हरकत नाही. भाजणी थालीपीठ, कोिथबीर वडी, अळू वडी, वाटाणा, काजू आणि मका पॅटिस या मराठमोळ्या पदार्थाचा थाट तर येथे आहेच. पण त्याचसोबत चटपटीत वडा, रसरशीत मिसळ, उपवासाचे पदार्थ, भाकरी स्पेशल, थंड पेय, गोड पदार्थ या प्रत्येक हेिडगखाली आठ ते दहा वेगवेगळे प्रकार तुम्हाला पाहायला मिळतील. उदाहरणार्थ मिसळ. पुणेरी, नवरंग (नऊ कडधान्यांची उसळ), दही, चीज, पनीर, फराळी, दही फराळी मिसळ असे प्रकार आहेत. मिसळ तुम्ही नुसतीच किंवा पाव आणि पुरीसोबतही मागवू शकता. भाकरी स्पेशलमध्ये बाजरी, नाचणी आणि तांदुळाच्या भाकरीसोबत झुणका, कुळीथ आणि डांगरासोबत मागवण्याचा पर्याय उपलब्ध आहे. गोड पदार्थामध्येही अननस, दुधी, गाजर हलवा, खरवस, पुरणपोळी, तेलपोळी, गुळपोळी, गुळपोळी दूध हे पदार्थ मेन्यूमध्ये दिसतात आणि टेबलवर खायला मिळतात. ८५ रुपयांमध्ये महाराष्ट्रीय थाळी आणि १३५ रुपयांमध्ये मिळणारी स्पेशल थाळीही आवर्जून खाण्यासारखी आहे. दुपारच्या आणि रात्रीच्या जेवणाला वेगवेगळी भाजी, दररोज वेगळा गोड पदार्थ ही त्याची वैशिष्टय़े. सुजाता उपाहारगृहाच्या या आढाव्यानंतर चांगले आणि बजेटमध्ये मराठी पदार्थ कुठे खायला मिळतात, असा प्रश्न यापुढे तुम्हाला पडणार नाही, अशी आशा आहे.

सुजाता उपहारगृह व मिठाई

  • कुठे? : २७७, मापला हाऊस, जे. एस. एस. रोड, ठाकूरद्वार, गिरगाव, मुबंई.
  • कधी? : सकाळी ८.३० ते रात्री १०.३० वाजेपर्यंत.