scorecardresearch

Premium

९६ कुळी मराठय़ांची कुणबी दाखल्यांची मागणीच नाही!; नारायण राणेंचा दावा, जरांगेंच्या मागणीला छेद

मराठा आरक्षणासाठी गेल्या १७ दिवसांपासूनचे उपोषण सोडताना जरांगे पाटील यांनी मराठय़ांना सरसकट ‘कुणबी’ दाखले देण्याची मागणी कायम ठेवली असताना केंद्रीय मंत्री नारायण राणे यांनी मात्र वेगळा सूर लावला.

narayan rane talk maratha reservation
नारायण राणेंचा दावा, जरांगेंच्या मागणीला छेद

मुंबई : मराठा आरक्षणासाठी गेल्या १७ दिवसांपासूनचे उपोषण सोडताना जरांगे पाटील यांनी मराठय़ांना सरसकट ‘कुणबी’ दाखले देण्याची मागणी कायम ठेवली असताना केंद्रीय मंत्री नारायण राणे यांनी मात्र वेगळा सूर लावला. मराठा समाजाला सरसकट ‘कुणबी’ दाखले देऊ नयेत आणि ही ९६ कुळी मराठा समाजाची मागणी नाही, असे राणे यांनी गुरुवारी स्पष्ट केले. ‘‘मराठा समाजाचे शैक्षणिक, सामाजिक आणि आर्थिक मागासलेपण राज्य मागासवर्ग आयोगाकडून पुन्हा सिद्ध करून राज्यघटनेच्या कलम १५(४) आणि १६(४) नुसार स्वतंत्र आरक्षण द्यावे. कोणाच्याही आरक्षणाला धक्का लावण्यात येऊ नये’’, अशी भूमिका राणे यांनी पत्रकार परिषदेत मांडली.

मराठा आरक्षण आणि अन्य मुद्दय़ांवर भाजप प्रदेश कार्यालयात घेतलेल्या पत्रकार परिषदेत राणे म्हणाले, ‘‘मराठा समाजाची लोकसंख्या ३८ टक्के असून, जे गरीब आहेत, त्यांना आरक्षणाची गरज आहे. मनोज जरांगे यांनी सरसकट ‘कुणबी’ दाखल्यांची मागणी केलेली आहे. मात्र, ९६ कुळी मराठा समाजाची ही मागणी नाही. कोणाचेही आरक्षण काढून न घेता, राज्यघटनेतील तरतुदींचा सरकारने अभ्यास करावा आणि आरक्षण द्यावे’’.

tejashwi yadav janvishvas yatra
दहा दिवस अन् ३३ जिल्हे! NDA ला रोखण्यासाठी RJD ची ‘जनविश्वास यात्रा’; तेजस्वी यादव यांना यश येणार का?
sarwan singh pandher
‘आम्ही पाकिस्तानमधून नाही आलो’, पोलीस दलाच्या कारवाईनंतर शेतकरी नेत्याचे विधान
chitra wagh reply to ubt leader sushma andhare
“विरोधकांनी शहाणपण शिकवण्याची गरज नाही,” चित्रा वाघ यांनी सुनावले; म्हणाल्या, “त्यांना केवळ देवेंद्र फडणवीसांचा राजीनामा…”
gautam gambhir arvind kejriwal PTI
“भाजपात जाण्यासाठी माझ्यावर दबाव”, केजरीवालांच्या वक्तव्यावर गौतम गंभीरचा टोला, म्हणाला…

‘‘ज्याला इतिहासाची जाण आहे, त्यानेच आरक्षणाच्या विषयावर बोलावे. मराठा समाजाच्या मुख्यमंत्र्यांनीच यापूर्वी आरक्षणे दिली असून, मराठा समाजाला आरक्षण देताना द्वेषाची भावना असू नये’’, अशी अपेक्षाही त्यांनी व्यक्त केली. अडीच वर्षे मुख्यमंत्री असताना उद्धव ठाकरे यांची मराठा समाजाला आरक्षण देण्याची इच्छा नव्हती आणि त्यांनी काहीही केले नाही. सत्ता गेल्याच्या वैफल्यातून ठाकरे हे उपमुख्यमंत्री देवेंद्र फडणवीस यांच्यावर पातळी सोडून टीका करीत आहेत, असेही राणे म्हणाले.

जरांगेंचे उपोषण मागे

मराठा आरक्षणासाठी आंतरवाली सराटी येथे मनोज जरांगे यांनी सुरू केलेले बेमुदत उपोषण गुरुवारी, सतराव्या दिवशी मुख्यमंत्री एकनाथ शिंदे यांच्या उपस्थितीत मागे घेतले.

मराठा समाजाला सरसकट ‘कुणबी’ प्रमाणपत्र द्या. आरक्षण दिल्याशिवाय मी मागे हटणार नाही आणि मुख्यमंत्र्यांनाही मागे हटू देणार नाही. आरक्षणाबाबत निर्णयासाठी आधी सरकारला एक महिना दिला होता. आता आणखी दहा दिवस वाढवून देत आहे. –मनोज जरांगे, आंदोलक

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: There is no demand for kunbi certificates marathas narayan rane claim ysh

First published on: 15-09-2023 at 00:03 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×