बँकेत गोळीबार, लुटीप्रकरणी आठ तासांत दोघांना अटक

धर्मेद्र सुभाषचंद्र यादव (२१) व विकास गुलाबधर यादव (१९) अशी अटक आरोपींची नावे आहेत. दोघेही दहिसर पश्चिम येथील रहिवासी आहे. यातील धर्मेद्र हा वेटर, तर विकास हा नोकरी करतो. दोघेही मूळचे बिहार येथील रहिवासी असून तेथून आरोपींनी गुन्ह्यांत वापरलेले पिस्तूल आणल्याचे प्राथमिक तपासात निष्पन्न झाले आहे.  श्वानपथक व सीसीटीव्ही चित्रीकरणाच्या मदतीने पोलिसांनी अवघ्या आठ तासांत या गुन्ह्यांची उकल केली. सीसीटीव्ही चित्रणाच्या माध्यमातून समोर आलेल्या माहितीच्या आधारे दोन्ही आरोपींना पोलिसांनी अटक केली. आरोपींना न्यायालयाने ५ जानेवारीपर्यंत पोलीस कोठडी सुनावली आहे.