केंद्र आणि राज्याच्या मंत्रिमंडळाचा संभाव्य विस्तार आणि उत्तरप्रदेशात होऊ घातलेल्या आगामी विधानसभा निवडणुकांच्या पाश्र्वभूमीवर रविवारी केंद्रीय मंत्री नितीन गडकरी आणि मुख्यमंत्री देवेंद्र फडणवीस या राज्यातील भाजपच्या दोन वरिष्ठ नेत्यांनी रविवारी सरसंघचालक डॉ. मोहन भागवत यांची भेट घेतली. विशेष म्हणजे, दोन्ही नेते वेगवेगळे सरसंघचालकांना भेटले.नागपूरच्या विविध योजनांचा आढावा घेण्यासाठी बैठकीला फडणवीस आणि गडकरी रविवारी नागपुरात आले होते. मुख्यमंत्री रेशीमबागेतील स्मृती मंदिरात पोहोचले. तेथे संघाचा प्रशिक्षण वर्ग सुरू आहे. मुख्यमंत्र्यांनी यावेळी भागवत यांच्याशी चर्चा केली. दरम्यानच्या काळात सरसंघचालक महालमधील संघ मुख्यालयात आले. गडकरी वाडय़ावरून संघ मुख्यालयात पोहोचले. तेथे चर्चा झाली.
