सिंदेवाही वनपरिक्षेत्र अंतर्गत येणाऱ्या उपवनपरिक्षेत्र तांबेगडी मेंढामधील चिकमारा बिट जंगल परिसरात वाघाच्या हल्ल्यात गुराख्याचा मृत्यू झाला. रामदास डुकरू नैताम (६३, रा. चिकमारा) असे मृत गुराख्याचे नाव आहे. रामदास नैताम शनिवारी गुरे चारण्याकरिता चिकमारा बिट जंगल परिसरात गेले होते. मात्र, सायंकाळ झाली तरी ते परत न आल्यामुळे ग्रामस्थांनी उपवनपरिक्षेत्र सहाय्यक बुरांडे यांना माहिती दिली. त्या आधारे वनविभाग तांबेवाडी मेंढा चमू व चिकमारा ग्रामस्थांनी जंगल परिसरात त्यांचा शोध घेतला. रात्री उशिरापर्यंत रामदास नैताम मिळाले नाही. रविवारी पुन्हा शोध घेतला असता सकाळी ७ वाजताच्या समारास त्यांचा मृतदेह आढळून आला.
