नागपूर : कुख्यात डॉन छोटा राजन याच्या मुंबईतील घरासह देशभरात २१३ ठिकाणी घरफोडी करणाऱ्या आरोपीला गुन्हे शाखा पोलिसांनी त्याच्या साथीदारासह अटक केली. त्याने रामदासपेठ येथील प्रसिद्ध हॉटेलमालकाच्या घरात चोरी करून हिऱ्याचा हार व इतर वस्तू असा एकूण १८ लाख रुपयाचा मुद्देमाल पळवला होता. गुन्हे शाखेच्या घरफोडी प्रतिबंधक पथकाने आरोपीला हैदराबाद येथून अटक केली. मोहम्मद सलीम मोहम्मद हबीब कुरेशी (५१) रा. रंगारेड्डी, हैदराबाद आणि शब्बीर उर्फ साबिर जमील कुरेशी (३२) रा. गोवंडी, मुंबई, अशी अटकेतील आरोपींची नावे आहेत.

रामदासपेठच्या निर्मल गंगा अपार्टमेंटमध्ये राहणाऱे राजेंद्र कामदार यांच्या घरी २६ मार्च रोजी चोरीची घटना घडली होती. राजेंद्र हे नैवेद्यम ग्रूपचे संचालक आहेत. ते पत्नीसह न्यूझीलँडला गेले होते. सलीम २५ वर्षांपासून घरफोडीत सक्रिय आहे. साबिर हा सुद्धा सराईत चोरटा आहे आणि गत काही वर्षांपासून सलीमसोबत सक्रिय आहे. दोघेही कारने नागपुरात आले. एका लॉजमध्ये थांबून पॉश परिसरातील बंद घरांचा शोध घेऊ लागले. निर्मल गंगा अपार्टमेंटची टेहळणी करताना त्यांना कामदार यांच्या घराच्या दारात काही वृत्तपत्र पडून असल्याचे दिसले. घरालाही कुलूप होते. दोघांनीही चोरीची योजना बनवली. दाराचे कुलूप तोडून आत प्रवेश करीत कपाटातील दागिने आणि रोख ४.५० लाख रुपये चोरी करून पसार झाले.

Four arrested in Pune accident case
पुण्यातील अपघात प्रकरणी चौघे अटकेत; अल्पवयीन आरोपीच्या वडिलांसह हॉटेल मालक, कर्मचाऱ्यांना बेड्या
karad city police nabbed a gang of five who were preparing to carry out robbery
सशस्त्र दरोडा टाकण्याच्या तयारीत असणाऱ्या टोळीच्या मुसक्या आवळल्या; एका माजी नगरसेवकाच्या खूनाचाही होता प्लॅन?
retired army officer,
भोरमध्ये निवृत्त लष्करी अधिकाऱ्याकडून ग्रामस्थांवर गोळीबार
Salman Khan, High Court,
सलमान खान घराबाहेरील गोळीबाराचे प्रकरण, तपासाचा प्रगती अहवाल सादर करण्याचे उच्च न्यायालयाचे आदेश
Mumbai, Foreign National, Cocaine filled Capsules, Mumbai airport, Foreign National Arrested, Foreign National Arrested at Mumbai Airport, Foreign National arrested with cocaine, cocaine of rs 10 crore,
मुंबई : अमली पदार्थांची तस्करी प्रकरणी परदेशी व्यक्तीला अटक, पोटातून बाहेर काढल्या १० कोटीच्या कोकेनच्या ११० कॅप्सूल
Violent Mob Attacks Police Vehicles, dhule, Violent Mob Attacks Ambulance, Case Registered, police, mob demanding for justice of youth murder, marathi news, crime in dhule, crime news, dhule news, marathi news,
धुळे जिल्ह्यात पोलीस वाहन, रुग्णवाहिकेवर दगडफेक करणाऱ्या जमावाविरुध्द गुन्हा
bombay hc refuses to entertain pil seeking fir against celebrities for tobacco gutka ads
तंबाखू आणि गुटख्यांच्या जाहिरातींविरोधातील याचिका निव्वळ प्रसिद्धीसाठी, उच्च न्यायालयाच्या ताशेऱ्यानंतर याचिका मागे
pimpri chinchwad crime news, pimpri chinchwad vitthal ludekar marathi news
पिंपरी: कोयत्याचा धाक, गुंडगिरी करणारा तडीपार; इतर दोघांवर मोक्काअंतर्गत कारवाई; चिखली पोलिसांची कामगिरी

हेही वाचा : नागपूर: कर्मचाऱ्यांना नि:शुल्क उपचार, दिव्यांगांसाठी केंद्रावर व्हीलचेअर

तक्रारीनंतर सीताबर्डी पोलिसांसह गुन्हे शाखेच्या पथकानेही तपास सुरू केला. सीसीटीव्ही फुटेजच्या माध्यमातून पोलीस लॉजपर्यंत पोहोचले. तेथून आरोपींचे नाव, पत्ता आणि मोबाईल नंबर मिळवला. त्यांचा शोध घेत पोलीस हैदराबादला पोहोचले. मात्र, सलीम पोलिसांपासून वाचण्यासाठी घर सोडून एका धार्मिक ठिकाणी राहत होता. योजनाबद्धरित्या पोलिसांनी त्याला अटक केली. आरोपी नागपुरात चोरी करून हैदराबादला गेले होते. तेथून मुंबईला गेले आणि चोरीचे दागिने एका सराफाला विकून परत हैदराबादला परतले, अशी माहिती चौकशीतून समोर आली. पोलिसांनी आरोपींकडून कार आणि दोन फोन जप्त केले आहेत. पुढील कारवाईसाठी त्यांना सीताबर्डी पोलिसांच्या स्वाधिन करण्यात आले आहे. ही कारवाई गुन्हे शाखेचे निरीक्षक किरण कबाडी यांच्या पथकाने केली.