अमरावती : अमरावती लोकसभा मतदार संघातील प्रहार जनशक्‍ती पक्षाचे उमेदवार दिनेश बुब यांच्‍या प्रचारार्थ आयोजित सभेसाठी येथील सायन्‍सकोर मैदानाचे २३ आणि २४ एप्रिल रोजीचे आरक्षण अखेर जिल्‍हा परिषदेने रद्द केले असून गृहमंत्री अमित शाह यांच्‍या सुरक्षेच्‍या दृष्‍टीने हे मैदान तयार करण्‍यात आले असून आता दुसरीकडे, एका दिवसात तयारी करणे शक्‍य नाही, हे कारण त्‍यासाठी देण्‍यात आले आहे.

दरम्‍यान, सायन्‍सकोर मैदानावर आमदार बच्‍चू कडू यांचे ठिय्या आंदोलन सुरूच आहे. दिनेश बुब यांच्‍या प्रचारासाठी २३ आणि २४ एप्रिल रोजी सायन्‍सकोर मैदान उपलब्‍ध करून देण्‍यात येत असल्‍याचे पत्र जिल्‍हा परिषदेच्‍या शिक्षणाधिकाऱ्यांनी १८ एप्रिल रोजी दिले होते. दुसरीकडे, गृहमंत्री अमित शाह यांच्‍या सभेसाठी २२ एप्रिल रोजी मैदानाची परवानगी देण्‍यात आली होती. पण, काही कारणांमुळे अमित शाह यांची सभा पुढे ढकलण्‍यात आली आणि ही सभा २४ एप्रिल रोजी आयोजित करण्‍यात आली.

What Priyanka Gandhi Said?
“माझ्या आईचं मंगळसूत्र या देशासाठी..”, प्रियांका गांधी यांचं पंतप्रधान नरेंद्र मोदींना जोरदार प्रत्युत्तर
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
pm modi on prajwal revanna sex tape row
प्रज्वल रेवण्णा प्रकरणावर पंतप्रधान मोदींनी पहिल्यांदाच केलं भाष्य; म्हणाले…
What Sharad Pawar Said About Modi?
“मोदींच्या विरोधात लोकांमध्ये रोष असल्यानेच आता भाजपा हिंदू-मुस्लिम..”, शरद पवारांचा हल्लाबोल
uddhav thackeray viral video
शरद पवारांनी उद्धव ठाकरेंना बाहेर जायला सांगितलं, ठाकरेंनी हात जोडले अन्..; भाजपाने शेअर केला ‘तो’ VIDEO
narendra modi shinde fadnavis reuters
फडणवीसांना डावलून शिंदेंना मुख्यमंत्री का केलं? पंतप्रधान मोदींनी सांगितली भाजपाची रणनीती
Raj Thackeray Fatwa
राज ठाकरेंनी काढला फतवा! म्हणाले, “जमलेल्या माझ्या तमाम हिंदू बांधवांनो भगिनींनो आणि मातांनो..”
Jayant patil sharad pawar
“अजित पवारांबाबतची ती बातमी वाचून माझं मन चलबिचल झालं”, शेकापच्या जयंत पाटलांची शरद पवारांसमोर ‘मन की बात’

हेही वाचा >>> ‘‘तोंडात भवानी, पोटात बेईमानी…” मुख्यमंत्री शिंदेंची उद्धव ठाकरेंवर टीका; म्हणाले, “बाप एक नंबरी, तो बेटा…”

यादरम्‍यान, भाजपतर्फे नवीन परवानगी न घेतात, मैदानावर मंडप उभारणी सुरू केली. त्‍यावर प्रहार जनशक्‍ती पक्षाने आक्षेप घेतला. अमरावती लोकसभा मतदार संघाचे सामान्‍य निरीक्षक सी.जी. रजनीकांथन यांनी जिल्‍हाधिकारी आणि निवडणूक‍ निर्णय अधिकारी सौरभ कटियार यांना २२ एप्रिल रोजी पत्र पाठवून सायन्‍सकोर मैदान हे दिनेश बुब यांना उपलब्‍ध करून देण्‍यात यावे, अन्‍य कुणाला मंडप उभारण्‍याची परवानगी देण्‍यात येऊ नये, अशी सूचना केली होती.

हेही वाचा >>> “संविधान बदलणार नाही,” अमित शाह यांचा पुनरुच्चार; म्हणाले, “एससी, एसटी आणि ओबीसींचे आरक्षण”

एकीकडे, सायन्‍सकोर मैदान सभेसाठी वापरण्‍याची रीतसर परवानगी, शुल्‍क भरल्‍याची पावती, निवडणूक निरीक्षकांचे पत्र सोबत असतानाही बच्‍चू कडू यांना मैदानावर प्रवेश रोखण्‍यात आला. सुरक्षेच्‍या कारणावरून हे मैदान प्रहार जनशक्‍ती पक्षाला देणे शक्‍य होणार नाही, असे पोलीस प्रशासनाकडून सांगण्‍यात आले. त्‍यामुळे पोलीस अधिकारी आणि बच्‍चू कडू यांच्‍यात चांगलाच वाद झाला. भाजपला मैदान वापरण्‍याची परवानगी कशी मिळाली, परवानगीचे पत्र द्या, असे आव्‍हान बच्‍चू कडू यांनी देत ठिय्या आंदोलन सुरू केले.

दरम्‍यान, सायंकाळी उशिरा जिल्‍हा परिषदेच्‍या शिक्षणाधिकाऱ्यांनी प्रहार जनशक्‍ती पक्षाच्‍या प्रचारासाठी सायन्‍सकोर मैदानाची परवानगी रद्द करण्‍यात आल्‍याचे पत्र जारी केले. प्रहार जनशक्‍ती पक्षाच्‍या प्रचारासाठी आपल्‍याकडील उपलब्‍ध दुसरे सोयीस्‍कर मैदान देण्‍यात यावे, अशी शिफारस पोलीस आयुक्‍तांनी पत्राद्वारे केली. यासंदर्भात शिक्षणाधिकाऱ्यांनी नोडल अधिकाऱ्यांना एक पत्र पाठविले. अवघ्‍या काही तासांत या वेगवान घडामोडी घडल्‍या. पण, यामुळे बच्‍चू कडू यांचे समाधान झालेले नाही. त्‍यांचे आंदोलन सुरूच आहे.