गडचिरोली जिल्ह्यात वादळी वाऱ्यासह पाऊस, अनेक झाडे कोसळली, वीज खंडित

राज्याचे हवामान खात्याने काल सोमवारीच वादळाचा इशारा दिला होता. त्यानंतर आज सिरोंचाला सर्वाधिक फटका बसला.

रवींद्र जुनारकर लोकसत्ता

गडचिरोली: जिल्ह्यातील सिरोंचा तालुक्यात आज मंगळवारी सायंकाळी वादळी वाऱ्यासह मुसळधार पावसाने हजेरी लावली. वादळी पावसामुळे सिरोंचा शहर व परिसरात मोठ्या प्रमाणात झाडे कोसळली. वादळाचा वेग इतका होता की समोरचे काहीच दिसत नव्हते. अनेक भागात वीज पुरवठा ठप्प झाला आहे. अवकाळी पाऊस व चक्रीवादळाने  मुख्यालयातील राष्ट्रीय महामार्गावर असलेल्या रामंजपूर येथील पेट्रोल पंपचे मोठे नुकसान झाले आहे.सिरोंचा तालुक्यात २४ मे रोजी ४ वाजताच्या सुमारास अचानक चक्रीवादळ व अवकाळी पावसाचा आगमन झाला. यात लोकांना काही कळायचं आधीच या चक्रीवादळाने रौद्ररूप धारण करून होत्याचं नव्हतं केलं. जवळपास २० ते ३० मिनिट चक्रीवादळ सुरू होते.त्यात अनेक घरांवरचे छप्पर उडाले, रस्त्यावरील टिनाचे शेड उडाले,मोठ्या प्रमाणात झाडे कोसळली.एवढेच नव्हेतर सिरोंचा तालुका मुख्यालयात असलेले पेट्रोल पंपचे मोठ्या प्रमाणात नुकसान झाले आहे. सध्या चक्रीवादळ आणि पाऊस थांबले असलेतरी,तालुका मुख्यालयसह आणखी बरेच गावात नागरिकांचे खूप मोठे नुकसान झाल्याचे बोलले जात आहे. नेमकं किती नुकसान झालं हे अद्यापही कळू शकले नाही. मात्र,जिल्ह्यातील केवळ सिरोंचा तालुक्यात याचा खूप मोठा फटका बसल्याचे दिसून येत आहे. चक्री वादळाने सिरोंचा तालुक्यातील बहुतांश गावात मोठे नुकसान झाले.ठिकठिकाणी विजेच्या तारांवर मोठमोठे झाड कोसळल्याने तालुक्यात वीज पुरवठा खंडित झाला आहे. राज्याचे हवामान खात्याने काल सोमवारीच वादळाचा इशारा दिला होता. त्यानंतर आज सिरोंचाला सर्वाधिक फटका बसला.

मराठीतील सर्व नागपूर ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rains with strong winds many trees fell power outages in gadchiroli district zws

Next Story
“पंढरपूरसह देशातील अनेक प्रसिद्ध मंदिरे पूर्वीची बुद्ध विहारे, स्तूप”; प्रबोधनकार, आंबेडकरांचा संदर्भ देत डॉ. आगलावेंचा दावा
ताज्या बातम्या
फोटो गॅलरी