scorecardresearch

Premium

बहुतांश मागण्या मान्य, उर्वरित मांगण्याची महिन्याभरात पूर्तता; रविकांत तुपकरांचे ‘मंत्रालय ताब्यात’ आंदोलन मागे

उच्चस्तरीय शासकीय बैठकीत बहुतांश मागण्या मान्य झाल्याने आणि उर्वरित मागण्यांची पूर्तता महिनाभरात करण्याचे ठोस आश्वासन उपमुख्यमंत्री देवेंद्र फडणवीस यांनी दिल्याने शेतकरी नेते रविकांत तुपकर यांनी आपले मंत्रालय ताब्यात आंदोलन मागे घेतले आहे.

Ravikant Tupkar withdrew the Ministry occupation movement
उपमुख्यमंत्री फडवणीस यांच्या अध्यक्षतेखाली सह्याद्री अतिथीगृह, मुंबई येथे बैठक पार पडली.(फोटो- लोकसत्ता टीम)

लोकसत्ता टीम

बुलढाणा : मुंबईत आज, बुधवारी पार पडलेल्या उच्चस्तरीय शासकीय बैठकीत बहुतांश मागण्या मान्य झाल्याने आणि उर्वरित मागण्यांची पूर्तता महिनाभरात करण्याचे ठोस आश्वासन उपमुख्यमंत्री देवेंद्र फडणवीस यांनी दिल्याने शेतकरी नेते रविकांत तुपकर यांनी आपले मंत्रालय ताब्यात आंदोलन मागे घेतले आहे. यावेळी तुपकर यांनी अन्नत्याग आंदोलनही मागे घेतले.

tejashwi yadav janvishvas yatra
दहा दिवस अन् ३३ जिल्हे! NDA ला रोखण्यासाठी RJD ची ‘जनविश्वास यात्रा’; तेजस्वी यादव यांना यश येणार का?
sarwan singh pandher
‘आम्ही पाकिस्तानमधून नाही आलो’, पोलीस दलाच्या कारवाईनंतर शेतकरी नेत्याचे विधान
mumbai drug license marathi news, mumbai drug shops marathi news
औषध परवान्यांच्या निलंबनाऐवजी दंडात्मक कारवाईचा प्रस्ताव, निलंबन रद्द करण्याचे अधिकार फक्त मंत्र्यांना!
Balaram Patil statement regarding the issue of farmers in Panvel
मुख्यमंत्र्यांना पनवेलमधील शेतकऱ्यांचे प्रश्न जाणून घ्यायचे नसल्यास आम्हाला निर्णायक लढा देण्याची वेळ आली; माजी आ. बाळाराम पाटील

उपमुख्यमंत्री फडवणीस यांच्या अध्यक्षतेखाली सह्याद्री अतिथीगृह, मुंबई येथे बैठक पार पडली. यावेळी पालकमंत्री दिलीप वळसे पाटील, आमदारद्वय राजेंद्र शिंगणे, संजय कुटे आणि तुकाराम मुंडे, अनुप कुमार यांच्यासह विविध विभागाचे सचिव उपस्थित होते. तुपकरांनी मांडलेल्या बहुतांश मागण्या सरकारने मान्य केल्या. सोयाबीन-कापूस प्रश्नाबाबत केंद्रीय मंत्री पीयूष गोयल यांच्यासोबत येत्या आठ दिवसांत दिल्लीत बैठक बोलावली जाणार आहे. बैठकीला तुपकरदेखील उपस्थित राहणार असल्याचे यावेळी सांगण्यात आले. बैठकीनंतर माध्यमांशी बोलताना तुपकर म्हणाले की, सरकारशी सकारात्मक चर्चा झाली आहे. काही मागण्या पंधरा दिवसांत, काही मागण्या महिनाभरात मार्गी लावण्याची ग्वाही उपमुख्यमंत्री फडणवीस यांनी दिली आहे.

आणखी वाचा-भाचीच्या लग्नावरून परतताना अपघात, निवृत्त शिक्षकाचा पत्नीसह मृत्यू

शेतमजुरांसाठी स्वतंत्र महामंडळ

शेतमजुरांसाठी स्वतंत्र महामंडळाची स्थापना करणार असल्याची घोषणा उपमुख्यमंत्री फडणवीस यांनी बैठकीत केली. या महामंडळामार्फत शेतमजुरांच्या मुलांच्या शिक्षणाचा व आजाराचा खर्च केला जाणार आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Ravikant tupkar withdrew the ministry occupation movement scm 61 mrj

First published on: 29-11-2023 at 21:55 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×