scorecardresearch

Premium

अकोला : अत्यावश्यक सेवांसह कौशल्यपूर्ण उमेदवारांना स्वयंरोजगार मिळणार, राज्यातील अभिनव प्रयोग

कुशल युवकांना स्वयंरोजगार मिळावा व नागरिकांना दैनंदिन अत्यावश्यक सेवांसाठी मनुष्यबळ उपलब्ध व्हावे यासाठी कौशल्यप्राप्त उमेदवारांचा ‘डेटाबेस’ तयार करण्याचे काम जिल्हा कौशल्य विकास विभागाने हाती घेतले.

Skilled candidates akola
अकोला : अत्यावश्यक सेवांसह कौशल्यपूर्ण उमेदवारांना स्वयंरोजगार मिळणार, राज्यातील अभिनव प्रयोग (image – pixabay/representational image)

अकोला : कुशल युवकांना स्वयंरोजगार मिळावा व नागरिकांना दैनंदिन अत्यावश्यक सेवांसाठी मनुष्यबळ उपलब्ध व्हावे यासाठी कौशल्यप्राप्त उमेदवारांचा ‘डेटाबेस’ तयार करण्याचे काम जिल्हा कौशल्य विकास विभागाने हाती घेतले. शासकीय किंवा खासगी औद्योगिक प्रशिक्षण संस्थांतून किंवा अल्पकालीन प्रशिक्षण घेतलेल्या व स्वयंरोजगार करणाऱ्या प्रशिक्षित युवकांची नोंदणी केली जाणार आहे. राज्यातील हा अभिनव प्रयोग जिल्हाधिकारी अजित कुंभार यांच्या संकल्पनेतून राबविला जात आहे.

जिल्ह्यातील कौशल्यप्राप्त उमेदवारांचा ‘डेटाबेस’ तयार करून तो ऑनलाइन करण्यात येत आहे. त्यामुळे नागरिकांना त्यांच्या दैनंदिन अत्यावश्यक सेवांसाठी विविध व्यवसाय करणाऱ्या कुशल उमेदवारांची ऑनलाईन माहिती मिळून इलेक्ट्रिशियन, प्लम्बर, ए.सी. टेक्निशियन, वाहनचालक, सुतार, गवंडी आदी आवश्यक मनुष्यबळ सहज उपलब्ध होईल. त्याचप्रमाणे, कुशल उमेदवारांना याद्वारे रोजगारही प्राप्त होणार आहे. कुशल उमेदवारांचा डेटाबेस तयार करताना पोलीस पडताळणी व स्वयंघोषणापत्रही मिळविण्यात येणार आहे. त्यामुळे आवश्यक सेवांसाठी विश्वासार्ह मनुष्यबळाचा तपशील अकोलेकरांना उपलब्ध होणार आहे.

ratangiri devlopment
रत्नागिरीच्या विकासासाठी शासकीय धोरणांसह सामूहिक प्रयत्नांची गरज; ‘व्हिजन रत्नागिरी २०५०’ परिसंवादातील मत
Dr vikas amte, strong opinion, leprosy department, eradication
कुष्ठरोगाचे निर्मूलन झाले नसतानाही कुष्ठरोग विभाग बंद, डॉ. विकास आमटे यांचे काय आहे म्हणणे जाणून घ्या
How do Uber OLA BluSmart inDrive charge
Uber, OLA, BluSmart, inDrive तुमच्याकडून कशा पद्धतीने शुल्क आकारतात? कर्नाटक सरकारचा नियम जाणून घ्या
Government Scheme Orchard Plantation Scheme
शासकीय योजना : फळबाग लागवड योजना

हेही वाचा – धक्कादायक..! समृद्धीवर प्रत्येक दोन दिवसांत एक बळी

हेही वाचा – न्यायालये बोलतात जनहिताचे, निर्णय मात्र वेगळाच! माजी न्यायमूर्ती कोळसे पाटील म्हणाले…

स्वयंरोजगार करणाऱ्या युवकांनी या ‘डेटाबेस’मध्ये आपले नाव समाविष्ट होण्यासाठी जिल्हा कौशल्य विकास रोजगार व उद्योजकता मार्गदर्शन केंद्रात संपर्क साधावा लागेल. उमेदवारांच्या कागदपत्रांची पडताळणी करून त्यांची पोलीस पडताळणी केली जाईल. इच्छुक उमेदवारांकडून स्वयंघोषणापत्र भरून घेण्यात येणार आहे. नोंदणीसाठी जिल्हा कौशल्य विकास, रोजगार व उद्योजकता मार्गदर्शन केंद्राशी संपर्क साधण्याचे आवाहन केले आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Skilled candidates will get self employment along with essential services an innovative experiment in the state ppd 88 ssb

First published on: 22-10-2023 at 10:34 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×