गोंदिया : जिल्हयात तीन वेगवेगळया घटनांमध्ये तीन जणांचा बुडून मृत्यू झाला. १ सप्टेंबर रोजी गोरेगाव तालुक्यातील कटंगी जलाशयात एका महिलेने उडी घेतली. कृणाली लोकेश हरिणखेडे वय २० वर्ष रा . मोहाडी ता.तुमसर जि . भंडारा असे मृत महिलेचे नाव आहे. दुसऱ्या घटनेत कोहमारा येथील तलावात एक तरुण बुडाला. ही घटना बुधवार ३१ ऑगस्ट रोजी घडली. सतीश गोपाल कुरसुंगे वय ३८ वर्ष मृत तरुणाचे नाव आहे. तिसऱ्या घटनेत सालेकसा तालुक्यातील ग्राम गिरोला ते सालेकसा दरम्यान एका कालव्यात बुडून प्रल्हाद शिवाजी शहारे वय ४८ वर्ष रा . बोदलबोडी ता . सालेकसा या युवकाचा मृत्यू झाला प्रल्हाद शहारे हे अपंग व मतिमंद होते. वीणा कचरू रहांगडाले रा. सोनारटोला - गिरोला यांच्या तक्रारीवरून सालेकसा पोलिसांनी आकस्मिक मृत्यूची नोंद केली.