महाराष्ट्र शासनाच्या सांस्कृतिक कार्य संचालनालयातर्फे रविवारी येथे राज्यस्तरीय ढोलताशा स्पर्धेची प्राथमिक फेरी रंगली. संपूर्ण राज्यासाठी ही स्पर्धा आयोजित करण्यात आली आहे. या स्पर्धेच्या निमित्ताने ढोलताशा पथकांना आपल्यातील कस दाखविण्याची संधी मिळाली आहे. गोदातीरी यशवंतराव महाराज पटांगणावर झालेल्या प्राथमिक फेरीत सात संघांनी सहभाग घेतला. स्पर्धा पाहण्यासाठी नाशिककरांनी चांगलीच गर्दी केली होती. अंतिम फेरी ‘रायगड महोत्सव २०१६’च्या समारोप कार्यक्रमात रायगड किल्ल्याच्या पायथ्याशी होणार आहे.