News Flash

राज्यस्तरीय फ्लोअर बॉल स्पर्धेत जळगाव, औरंगाबाद विजेते

जळगावच्या मुलांनी, तर औरंगाबादच्या मुलींनी येथे आयोजित तीसऱ्या महाराष्ट्र राज्य फ्लोअरबॉल स्पर्धेचे विजेतेपद मिळविले.

नाशिक येथे आयोजित तीसऱ्या राज्यस्तरीय फ्लोअरबॉल स्पर्धेतील विजेता जळगावचा संघ.

जळगावच्या मुलांनी, तर औरंगाबादच्या मुलींनी येथे आयोजित तीसऱ्या महाराष्ट्र राज्य फ्लोअरबॉल स्पर्धेचे विजेतेपद मिळविले. राज्य आणि जिल्हा संघटना तसेच के. एन. डी. बहुउद्देशीय मंडळ, क्रीडा साधना या संघटनांच्या वतीने सिडको येथील छत्रपती संभाजी स्टेडियममध्ये या कनिष्ठ गटाच्या स्पर्धा घेण्यात आल्या.

मराठा विद्या प्रसारक समाज संस्थेचे संचालक नानासहेब महाले यांच्या वाढदिवसानिमित्त झालेल्या स्पर्धेत मुलांच्या अंतिम लढतीत  जळगावने ठाण्याला पराभूत केले. पहिल्या सत्रात जळगावने दोन गोल, तर ठाण्याने एक गोल केला. दुसऱ्या सत्रात ठाण्याने गोल करून २-२ अशी बरोबरी आणि नंतर ३-२ अशी आघाडी घेतली. जळगावच्या खेळाडूंनी त्यानंतर जोरदार खेळ करून सलग तीन गोल करत सामना  ५-३ असा जिंकला. मुलींच्या अंतिम लढतीत औरंगाबादने जळगाववर ६-२ अशी मात केली.

स्पर्धेचे पारितोषिक वितरण शिवछत्रपती पुरस्कारप्राप्त क्रीडा संघटक आनंद खरे, महाराष्ट्र फ्लोअरबॉल संघटनेचे सरचिटणीस रवींद्र चोथवे, रेफ्री मंडळाचे अध्यक्ष दीपक वाडे, दिलीप पाटील, नितीन हिंगमिरे आदी उपस्थित होते. यावेळी खरे यांनी या खेळात वापरला जाणारा चेंडू हॉकीतील चेंडूपेक्षा हलका असल्यामुळे वेगाने खेळल्यानंतरही यामध्ये दुखापत होत नाही. त्यामुळे या खेळाला चांगले भवितव्य आहे, असे सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 18, 2018 3:33 am

Web Title: jalgaon aurangabad winners of state level floor ball competition
Next Stories
1 तुकाराम मुंढे यांच्या विरोधात पुन्हा भाजप पदाधिकाऱ्यांचा रोष
2 कार्यानुभवासाठी पालिका रुग्णालय देण्यास नकार
3 आंतरराष्ट्रीय परिषदेत  देवयानी गुजर प्रबंध सादर करणार
Just Now!
X