नाशिक शहरात गाड्यांची तोडफोड करण्याच्या प्रकारांनी पुन्हा एकदा डोके वर काढले आहे. बुधवारी मध्यरात्री काही अज्ञात व्यक्तींनी ५ ते ६ गाड्यांची तोडफोड केल्याची घटना सातपूरमधील कामगारनगर परिसरात घडली. या घटनेमुळे परिसरातील नागरिकात भीतीचे वातावरण निर्माण झाले आहे. याप्रकरणी सातपूर पोलीस ठाण्यात अज्ञात व्यक्तिंविरोधात गुन्हा दाखल करण्यात आला आहे.
सातपूरमधील कामगारनगर परिसरात यापूर्वी देखील वाहन तोडफोडीच्या घटना घडल्या आहेत. काल मध्यरात्रीच्या सुमारास काही अज्ञात व्यक्तींनी कामगार नगरमधील अश्विन बिल्डींग बाहेर उभ्या असलेल्या ५ ते ६ वाहनांची तोडफोड केली. या घटनेत चारचाकी वाहनांचे मोठ्या प्रमाणावर नुकसान झाले. या घटनेमुळे परिसरातील नागरिकांत भीतीचे वातावरण निर्माण झाले आहे. या घटनेची माहिती मिळताच सातपूर पोलिसांनी घटनास्थळी धाव घेतली. याप्रकरणी सातपूर पोलीस ठाण्यात अज्ञात व्यक्तिंविरोधात गुन्हा दाखल करण्यात आला असून पुढील तपास पोलीस करत आहेत. वाहनांच्या तोडफोडीचे कारण अद्याप अस्पष्ट आहे.
