scorecardresearch

Premium

समायोजनासाठी धुळ्यात कंत्राटी आरोग्य कर्मचाऱ्यांचा मोर्चा

राष्ट्रीय आरोग्य अभियानातंर्गत काम करणाऱ्या सर्व अधिकारी व कर्मचाऱ्यांचे ३५ दिवसांपासून कामबंद आंदोलन सुरू आहे.

dhule national health mission, contract employees march
समायोजनासाठी धुळ्यात कंत्राटी आरोग्य कर्मचाऱ्यांचा मोर्चा (छायाचित्र – लोकसत्ता टीम)

धुळे : कंत्राटी आरोग्य कर्मचाऱ्यांचे बिनशर्त समायोजन करावे, आरोग्य सेवेत कायम करावे, यासह विविध मागण्यांसाठी राष्ट्रीय आरोग्य अभियान कंत्राटी अधिकारी व कर्मचारी महासंघ, समायोजन कृती समितीने बुधवारी सकाळी शहरातून मोर्चा काढला. या मोर्चात कंत्राटी कर्मचारी मोठ्या संख्येने सहभागी झाले होते. राष्ट्रीय आरोग्य अभियानातंर्गत कंत्राटी आरोग्य कर्मचाऱ्यांचे बिनशर्त समायोजन करावे. तोपर्यंत समान काम समान वेतन द्यावे, या प्रमुख मागणीसाठी राष्ट्रीय आरोग्य अभियानातंर्गत काम करणाऱ्या सर्व अधिकारी व कर्मचाऱ्यांचे ३५ दिवसांपासून कामबंद आंदोलन सुरू आहे. तसेच आठ दिवसांपासून क्युमाईन क्लबरोडवर धरणे आंदोलन सुरु आहे.

हेही वाचा : हवाई प्रशिक्षणात आभासी प्रणालीवर भर, आर्मी एव्हिएशन स्कूलचा दीक्षांत सोहळा

eknath shinde
आरोग्य विभागातील १४४६ वैद्यकीय अधिकाऱ्यांची भरती प्रक्रिया पूर्ण, मुख्यमंत्र्यांच्या हस्ते पदस्थापनेचा आदेश!
electricity
कंत्राटी कर्मचारी संपावर गेल्याने राज्यातील वीज यंत्रणा सलाईनवर.. ‘या’ आहेत मागण्या…
There is a threat of disruption of electricity supply in the state due to the agitation of the contractual electricity workers
राज्यातील वीज पुरवठा विस्कळीत होण्याचा धोका!; कंत्राटी वीज कर्मचाऱ्यांचे आंदोलन तीव्र
Allegation of the farmers association of abuse of onion producers
कांदा उत्पादकांची कुचेष्टा केल्याचा शेतकरी संघटनेचा आरोप; निर्यातबंदी उठवल्याच्या अधिसूचनेची प्रतीक्षाच

या आंदोलनात जिल्ह्यातील कंत्राटी आरोग्य सेविका, सहायक प्रयोगशाळा तंत्रज्ञ, औषध निर्माण अधिकारी, वैद्यकीय अधिकारी, राष्ट्रीय बालस्वास्थ कार्यक्रमातंर्गत कार्यरत वैद्यकीय अधिकारी, डाटाएंट्री ऑपरेटर, लेखाधिकारी असे एक हजार २५० कर्मचारी तर राज्यभरातील ३५ हजार कर्मचारी सहभागी झाले आहेत. अद्याप शासनाला जाग आलेली नसल्याने कंत्राटी आरोग्य कर्मचाऱ्यांनी शिवतीर्थापासून क्यूमाईन रोडपर्यंत मोर्चा काढला. कंत्राटी आरोग्य कर्मचाऱ्यांच्या कामबंद आंदोलनामुळे जिल्ह्यातील आरोग्यसेवा, लसीकरण ठप्प झाले आहे. ग्रामीण भागातून आलेल्या रुग्णांना आरोग्य सेवेपासून वंचित रहावे लागत आहे.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In dhule national health mission contract employees march for various demand including permanent in service css

First published on: 30-11-2023 at 12:46 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×