नवोदित चित्रपट निर्मात्यांची ‘अभिव्यक्ती’तर्फे बैठक

अभिव्यक्तीने नवोदित निर्मात्यांना प्रोत्साहन मिळावे, त्यांच्या निर्मितीचे परीक्षण व्हावे यासाठी दर वर्षी अंकुर फिल्म फेस्टिव्हलचे आयोजन करून लोकांमध्ये माध्यमांबद्दलची आस्था निर्माण केली आहे. ही आस्था सातत्याने टिकावी व समाजात परिवर्तनाची प्रक्रिया दृढ करता यावी, या उद्देशाने महाराष्ट्रातील नवोदित  निर्मात्यांचे संघटनतयार करण्याचा प्रयत्न अभिव्यक्तीच्या वतीने होत आहे.

या संघटनमधून नवोदितांना चित्रपट निर्मिती संदर्भाचे विविध तंत्र व कौशल्य, सामाजिक दृष्टिकोन, रसग्रहण, संकलन, चालू घडामोडींवर कार्यशाळांचे आयोजन करून त्यांची क्षमता व दृिष्टकोन विकसित करून त्यांच्या माध्यमांना व्यासपीठ उपलब्ध करून देण्यात येणार आहे.

हे संघटन कशा प्रकारे महाराष्ट्रात कार्यान्वित होईल, त्याचे ध्येय, उद्दीष्टे, मूल्य आणि प्रत्येकाची बांधिलकी काय असेल, यावर बैठकीत मंथन होणार आहे. उत्तर महाराष्ट्रातील अधिकाधिक नवोदित चित्रपट निर्मात्यांनी या संघटनमध्ये सामील होण्याचे आवाहन अभिव्यक्तीचे कार्यक्रम प्रमुख भिला ठाकरे यांनी केले आहे. अधिक माहितीसाठी ९९२२१५५९७८ किंवा ०२५३-२३४६१२८ या क्रमांकावर संपर्क साधावा.