“मी अपक्ष उमेदवार आहे आणि अपक्षच राहणार; आमच्यावर आरोप काँग्रेसकडून नाही तर…” सत्यजित तांबेंनी केलं स्पष्ट!

Nashik Graduate Constituency Election : “…त्यामुळे ही निवडणूक एकतर्फी झाली; विजय तर अगोदरच…” सत्यजित तांबेंचं मोठं विधान!

आणखी वाचा

नाशिक : आईला बेशुद्ध करून तीन महिन्यांच्या बालिकेची हत्या

नाशिक : अरुण ठाकूर स्मृती पुरस्कार चंद्रपूरच्या वैशाली गेडाम यांना जाहीर

धुळे : दोन चोरांकडून १० दुचाकी जप्त

आरोग्य विद्यापीठ प्राधिकरण निवडणूकीचा निकाल जाहीर, अधिसभेसाठी नाशिकमधून प्रदीप भाबड विजयी

सत्यजित तांबे म्हणाले, “मी तर अपक्ष उमेदवार आहे आणि अपक्षच राहील. यापेक्षा जास्त कुठलीही राजकीय भाष्य मी आजच्या तारखेला करणार नाही. मागील दहा -पंधरा दिवसांत जे राजकारण झालं, ज्यातून आमच्या परिवाराला आरोपीच्या पिंजऱ्यात उभा करण्याचा प्रयत्न, काही लोकांनी केला. यावर जे अर्धसत्य ठेवून एकच बाजू मांडली गेली. मी मुद्दाम यामध्ये कुठलीही प्रतिक्रिया यासाठी दिली नाही कारण, शब्दाने शब्द वाढू नये आपण ज्या पक्षामध्ये आयुष्यभर राहिलो त्या पक्षाला अजून काही लोकांसमोर बोलू नये म्हणून आम्ही खरंतर काही बोललो नाही. आमच्यावर आरोप काँग्रेसकडून नाही तर काँग्रेसमधील काही लोकांकडून झाले आहेत.”

माझी उमेदवारी ही काँग्रेस पक्षाचीच होती –

याशिवाय “माझी उमेदवारी अपक्ष नव्हती, माझी उमेदवारी ही काँग्रेस पक्षाचीच होती. मी अर्ज भरतानाही इंडियन नॅशनल काँग्रेसचाच फॉर्म भरलेला आहे. मी तीन वाजेपर्यंत फॉर्म एबी जोडू शकलो नाही, म्हणून ती उमेदवारी अपक्ष झाली. मी अपक्ष उमेदवारी दाखल केली हे जे प्रसारमाध्यमांवर दाखवलं जातय ते चुकीचं आहे.” असंही सत्यजित तांबे यांनी यावेळी स्पष्ट केलं.

योग्य वेळ आली की बाळासाहेब थोरातांशी चर्चा करणार –

याचबरोबर काँग्रेसचे ज्येष्ठ नेते बाळासाहेब थोरात यांची भेट घेणार की नाही, यावर बोलताना सत्यजित तांबेंनी सांगितल, “बाळासाहेब थोरात हे आजारी आहेत. त्यांच्या खांद्यावर शस्त्रक्रिया झालेली आहे. ते घरात बसून राहिले अशी परिस्थिती नाही, त्यांना हालचाल करता येत नाही. त्या परिस्थितीत सहा आठवडे झाले त्यांना डॉक्टरांनी संपूर्ण विश्रांतीचा सल्ला दिलेला आहे. त्यामुळे त्यांना अजून त्रास देण्याची गरज नाही. ते आमचे कुटुंबप्रमुख आहेत, त्यामुळे योग्य वेळ आली की मी त्यांच्याशी चर्चा करेन.” अशी यावेळी सत्यजित तांबे यांनी माहिती दिली.