जिजाई थिएटर्सच्या वतीने आयोजित राज्यस्तरीय बालनाटय़ स्पर्धेत येथील र. ज. चौहान गर्ल्स हायस्कूलची ‘परिवर्तन’ ही एकांकिका सहभागी १४ एकांकिकांमध्ये अव्वल ठरली. या एकांकिकेस प्रथम क्रमांकासाठी १० हजार रुपये रोख, सन्मानचिन्ह देण्यात आले. एकांकिकेतील ‘सगुणा’ ही भूमिका करणाऱ्या समृद्धी जोशी हिस उत्कृष्ट अभिनयाचे पारितोषिक मिळाले. लेखन व दिग्दर्शन गौरी काळे यांनी केले. रंगभूषा कामिनी पवार, पूनम चव्हाण यांनी, वेशभूषा कल्पना गावंडे, सुरेखा पगारे, सुनंदा जाधव, सुषमा वानखेडे यांनी केली. संगीत संयोजन आरती कुलकर्णी, सुजाता कोपरकर, प्राची सराफ यांनी पाहिले.