scorecardresearch

महापालिका आयुक्तपदाचा तिढा सुटता सुटेना; मॅटमध्ये आता उद्या सुनावणी

न्यायाधीशांना अपघात झाल्यामुळे सुनावणी लांबणीवर पडली असून, आता १३ जानेवारीला दुपारी तीन वाजता सुनावणी होणार आहे.

महापालिका आयुक्तपदाचा तिढा सुटता सुटेना; मॅटमध्ये आता उद्या सुनावणी
संग्रहित छायाचित्र/लोकसत्ता

जळगाव : महापालिकेच्या आयुक्तांच्या खुर्चीवर हक्क कुणाचा, याचा निर्णय पुन्हा लांबणीवर पडला आहे. याबाबतचा निर्णय बुधवारी महाराष्ट्र प्रशासकीय न्यायाधीकरणात (मॅट) होणार होता. मात्र, न्यायाधीशांना अपघात झाल्यामुळे सुनावणी लांबणीवर पडली असून, आता १३ जानेवारीला दुपारी तीन वाजता सुनावणी होणार आहे.

 महापालिकेच्या इतिहासात प्रथमच आयुक्तपदाचा तिढा निर्माण झाला आहे. सध्या महापालिकेच्या आयुक्तपदाचा सुरू असलेला वाद सुटण्याची चिन्हे दिसत नाहीत. कार्यकाळ पूर्ण झाला नाही आणि कोणतेही सबळ कारण न देता अचानक बदली झाली कशी, म्हणून बदलीविरोधात डॉ. विद्या गायकवाड यांनी महाराष्ट्र प्रशासकीय न्यायाधीकरणात याचिका दाखल केली आहे.

दरम्यान, दीड महिन्यापासून महापालिकेत आयुक्तपदाच्या खुर्चीवरून राजकीय हस्तक्षेप वाढल्याने वाद सुरू आहेत. महापालिकेत सध्या दोन आयुक्त आहेत. यात पवार आणि डॉ. गायकवाड यांच्याकडे कायदेशीर कारभार आहे. मात्र, यातही त्यांना धोरणात्मक कागदपत्रांवर स्वाक्षरी न करण्याबाबत निर्देशही देण्यात आले आहेत. त्यामुळे महापालिकेच्या कारभाराला खीळ बसली आहे. नियमित आयुक्तपदाची नियुक्ती झाल्यानंतरच प्रशासकीय कामकाज सुरळीत होणार असल्याचे सांगण्यात येत आहे. या सर्व घडामोडींमुळे शहराच्या विकासावर परिणाम होत आहे. आयुक्त डॉ. गायकवाड या जळगावमध्ये असून, पवार हेही आयुक्तपदावर कायम आहेत.

मराठीतील सर्व नाशिक / उत्तर महाराष्ट्र ( Nashik ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 12-01-2023 at 11:39 IST

संबंधित बातम्या