विलास देशपांडे यांचे निधन

वाहन आणि वित्तीय क्षेत्रात कार्यरत असणारे विलास भालचंद्र देशपांडे (६३) यांचे गुरुवारी पहाटे दीर्घ आजाराने निधन झाले. त्यांच्या पश्चात पत्नी, मुलगा, सून, नातवंडे व दोन भाऊ असा परिवार आहे. ‘लोकसत्ता’च्या नाशिक कार्यालयात माहिती तंत्रज्ञान विभागाचे काम सांभाळणारे समीर देशपांडे यांचे ते वडील होत. विलास देशपांडे हे ‘नाना’ या टोपणनावाने सर्वपरिचित होते. प्रदीर्घ काळ त्यांनी वाहन आणि वित्तीय क्षेत्रात काम केले. गेल्या काही महिन्यांपासून ते आजारी होते. गुरुवारी दुपारी पंचवटीतील अमरधाममध्ये त्यांच्या पार्थिवावर शोकाकुल वातावरणात अंत्यसंस्कार करण्यात आले. या वेळी विविध क्षेत्रांतील मान्यवर उपस्थित होते.