News Flash

नवी मुंबईत दिवसभरात २५३ नवे करोना पॉझिटिव्ह; तिघांचा मृत्यू

करोनाबाधितांची संख्या १६ हजार ६७९ वर पोहचली

प्रतिकात्मक छायाचित्र

नवी मुंबई महापालिका क्षेत्रात करोनाबाधितांची संख्या १६ हजार पार झाली आहे. शहरात आज २५३ नवे करोनाबधित आढळले असून करोनाबाधितांच्या संख्येत दररोज मोठी वाढ होत आहे. शहरात मृतांची संख्याही दररोज वाढत आहेत. वाढत्या संसर्गामुळे शहरात करोनाबाधितांची एकूण संख्या १६ हजार ६७९ वर पोहचली आहे. शहरात आज  ३ जणांचा करोनामुळे मृत्यू झाला असून करोनामुळे मृत पावलेल्यांची एकूण संख्या ४३७ झाली आहे.

शहरात आतापर्यत तब्बल ११  हजार ३६१ रुग्ण करोनामुक्त झाले आहेत. तर ४ हजार ८८१ रुग्णांवर उपचार सुरू आहेत. आतापर्यंत २३ हजार ६०५ प्रतिजन चाचण्या करण्यात आल्या आहेत. त्यामुळे तात्काळ करोना चाचणी अहवाल प्राप्त होत असून शहरातील करोना प्रादुर्भाव रोखण्याचे मोठे आव्हान पालिकेसमोर आहे.

शहरात करोना चाचण्यांची संख्या एका दिवसाला अडीच हजारपेक्षा अधिक चाचण्या होत आहेत.पालिका आयुक्त  अभिजीत बांगर यांनी नेरुळ येथे पालिकेची स्वतंत्र करोना चाचणी प्रयोगशाळा तयार केली असून या प्रयोगशाळेला आयसीएमआरची  परवानगी मिळाली आहे.आजपासून शहरात पालिकेची स्वतंत्र करोना चाचणी प्रयोगशाळा सुरू  झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 4, 2020 10:26 pm

Web Title: 253 new corona positive in navi mumbai during the day death of three msr 87
टॅग : Coronavirus
Next Stories
1 अथक प्रयत्नानंतर श्रीवर्धन म्हसळातील गावांत वीज पोहोचली
2 नवी मुंबईतील मॉल सज्ज; बुधवारपासून लगबग वाढणार
3 ऑनलाइन मनस्ताप
Just Now!
X