23 November 2020

News Flash

घणसोलीत गॅस टँकरचा धोका

घणसोली डी मार्ट येथील रस्ता हा घणसोली विभागातील मुख्य रस्ता आहे. त्यामुळे तो नेहमीच गजबजलेला असतो.

(संग्रहित छायाचित्र)

रस्त्यात बेकायदा पार्किंग; फटाके, आतिषबाजीमुळे पेट घेण्याची भीती

घणसोलीतील डी मार्ट परिसरातील सीएनजी गॅस पंप ते गुणाली तलावादरम्यान रस्त्यालगत ज्वलनशील वायूचे टँकर अनधिकृतरीत्या उभे करण्यात येत आहेत. या रस्त्यावरून गणेश विसर्जनाच्या मिरवणुका काढल्या जातात. फटाके, आतिशबाजी यामुळे वायूने पेट घेतल्यास अपघात होण्याची भीती व्यक्त करण्यात येत आहे. या अनधिकृत पार्किंगवर तात्काळ कारवाई करण्याची मागणी नागरिकांमधून होत आहे.

घणसोली डी मार्ट येथील रस्ता हा घणसोली विभागातील मुख्य रस्ता आहे. त्यामुळे तो नेहमीच गजबजलेला असतो. सध्या गणेशोत्सव असल्याने या परिसरातील बहुतेक विसर्जन मिरवणुकाही याच रस्त्यावरून काढल्या जातात. गुणाली तलावाच्या दिशेने जाण्यासाठी याच रस्त्यावरून मार्गक्रमण करावे लागते. येथूनच सार्वजनिक गणेश मंडळ, घरगुती गणपतीच्या विसर्जन मिरणुका निघतात. या मिरवणुकांत फटाक्यांची जोरदार आतिशबाजीही केली जाते. गुणाली तलाव ते सीएनजी पंपादरम्यानच्या रस्त्याच्या दुतर्फा रासायनिक द्रव्य व अतिज्वलनशील वायू भरलेले टँकर उभे असतात. फटाक्यांची ठिणगी रस्त्यालगत उभ्या केलेल्या वायू टँकरवर पडल्यास शहारत मोठी दुर्घटना घडू शकते. आजूबाजूला गजबजलेला परिसर व मोठय़ा इमारतीही आहेत. दुर्घटना घडली तर येथील नागरिकांच्या जिवावर बेतण्याची शक्यता नाकारता येत नाही. त्यामुळे या बेकायदा पार्किंगवर कारवाईची मागणी होत आहे.

या बेकायदा पार्किंगवर कारवाई करण्याचे अधिकार पालिकेकडे नाहीत. याबाबत पोलिसांना पत्र देऊन कारवाईची मागणी करण्यात आली आहे.

– दत्तात्रेय नागरे, साहाय्यक आयुक्त, अतिक्रमण विभाग अधिकारी, घणसोली

याआधीही या टँकर पार्किंगवर कारवाई केली आहे. पाच दिवसांच्या गणेश विसर्जनात कारवाई करण्यास अडचणी होत्या. लवकरच कारवाई करण्यात येईल.

– सचिन खोदरे, साहाय्यक निरीक्षक, वाहतूक विभाग, कोपरखैरणे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 20, 2018 3:43 am

Web Title: dangerous gas tanker in ghansoli
Next Stories
1 खाडीत मासळी मिळेना
2 जाहिरातींचा मलिदा मंडळांनाच!
3 एसटी स्थानकात खासगी वाहने
Just Now!
X