कळंबोली वसाहतीमध्ये राहणा-या महाविद्यालयीन विद्यार्थीनीवर तीच्याच वर्गातील शिकणा-या अल्पवयीन विद्यार्थ्याने बलात्कार केल्याची घटना उघडकीस आली आहे. संबंधित पीडित बालिका ही पाच आठवड्यांची गरोदर आहे. या धक्कादायक प्रकरणानंतर संशयीत बालकाविरोधात पोलीसांनी गुन्हा नोंदविला असून पोलीस या घटनेचा तपास गांर्भियाने करत आहेत. हेही वाचा- स्वच्छता कामगारांचा झाडू स्वयंस्फुर्तीने नवी मुंबईकरांच्या हाती.. खारघर येथील एका शाळेत हे दोनही बालक शिकत होते. संशयीत बालक हा रोडपाली येथील सेक्टर २० मध्ये राहत होता. तर पीडीता ही तीच्या पालकांसोबत सेक्टर पाच येथे राहते. पीडितेचे वय १७ वर्षे पाच महिने आहे. तर संशयीत आरोपी बालक हा १७ वर्षांचा आहे. डिसेंबर महिन्यात पीडिता मित्राच्या घरी गेल्यावर त्याने अत्याचार केल्याचे उघडकीस आले. सध्या पाच आठवड्यांची गरोदर असल्याचे पालकांच्या ध्यानात आल्यावर हे प्रकरण शाळेत आणि पोलीस ठाण्यात पोहचले.