नवी मुंबई : रविवारी माथाडी कामगारांचा भव्य मेळावा , मेळाव्यास मुख्यमंत्र्यांसह उपमुख्यमंत्र्यांची उपस्थिती | Attendance of the Chief Minister along with the Deputy Chief Minister at the grand gathering of Mathadi workers on Sunday amy 95 | Loksatta

नवी मुंबई : रविवारी माथाडी कामगारांचा भव्य मेळावा , मेळाव्यास मुख्यमंत्र्यांसह उपमुख्यमंत्र्यांची उपस्थिती

अण्णासाहेब पाटील यांच्या ८९ व्या जयंती निमित्ताने रविवार दि. २५ सप्टेंबर रोजी सकाळी ९ वाजता एपीएमसी कांदा-बटाटाबाजारातील लिलावगृहात माथाडी कामगारांचा भव्य मेळावा होणार आहे .

नवी मुंबई : रविवारी माथाडी कामगारांचा भव्य मेळावा , मेळाव्यास मुख्यमंत्र्यांसह उपमुख्यमंत्र्यांची उपस्थिती
अण्णासाहेब पाटील यांच्या ८९ व्या जयंती निमित्ताने रविवार दि. २५ सप्टेंबर रोजी सकाळी ९ वाजता एपीएमसी कांदा-बटाटाबाजारातील लिलावगृहात माथाडी कामगारांचा भव्य मेळावा होणार आहे

अण्णासाहेब पाटील यांच्या ८९ व्या जयंती निमित्ताने रविवार दि. २५ सप्टेंबर रोजी सकाळी ९ वाजता एपीएमसी कांदा-बटाटाबाजारातील लिलावगृहात माथाडी कामगारांचा भव्य मेळावा होणार आहे . या मेळाव्याला मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस हे उपस्थित राहणार आहेत अशी माहिती माथाडी नेते नरेंद्र पाटील यांनी दिली आहे.

हेही वाचा >>> हिरव्या वाटाण्याचे दर कडाडले! किरकोळ व्यापाऱ्यांसह गृहिणींची वाटाण्याकडे पाठ

मागील दोन वर्षात करोनामुळे हा मेळावा निवडक माथाडी कामगारांच्या उपस्थितीत साजरा करण्यात आला होता. मात्र आता करोनानंतर तब्बल दोन वर्षांनी जाहीर मेळावा होणार आहे. या मेळाव्यास कामगार मंत्री सुरेश खाडे आणि महसूल मंत्री राधाकृष्ण विखेपाटील तसेच आमदार गणेश नाईक आणि १० हजाराहून अधिक माथाडी कामगारांची उपस्थित असणार आहे. यावेळी बाजार घटक आणि माथाडी कामगारांचे विविध प्रश्न उपस्थित करण्यात येणार आहेत. एपीएमसी जीवनावश्यक वस्तूंची बाजारपेठ असल्याने करोना काळात ही बाजारपेठ निरंतर सुरू होती. त्याचबरोबर इतर बाजार घटक व माथाडी वर्ग ही अविरतपणे काम करत होता. यावेळी करोनामुळे दगावले आहेत त्यांच्या कुटूंबियांना तत्कालीन सरकारने अनुदान जाहीर केले होते . परंतु त्यांना न्याय मिळाला नाही. तसेच माथाडी कामगारांच्या घरांचाही प्रश्न प्रलंबित आहे, असे विविध प्रश्न मांडण्यात येणार आहेत.

मराठीतील सर्व नवी मुंबई ( Navimumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 24-09-2022 at 18:59 IST
Next Story
हिरव्या वाटाण्याचे दर कडाडले! किरकोळ व्यापाऱ्यांसह गृहिणींची वाटाण्याकडे पाठ