रविवारी खारघरच्या सर्व रहिवाशी आणि व्यापा-यांनी मद्यविक्रीविरुद्द मोहीम हाती घेत वसाहत एक दिवस बंद ठेवली होती. नागरीकांनी रस्त्यावर उतरत निदर्शने आणि घोषणाबाजी केली होती. या सर्व घडामोडीला २४ तास उलटत नाही तोच

यांनी सर्वसाधारण बैठकीत रहिवाशांच्या मागणीचा विचार करत मोठा निर्णय घेतला आहे. यापूढे राज्य उत्पादन शुल्क विभागाने पनवेल पालिकेच्या स्थापनेनंतर किंवा नव्याने पूर्वीच्या खारघर ग्रामपंचायत हद्दीत मद्यविक्रीसाठी बार व रेस्टॉरंटला न देण्याचा ठराव पालिकेच्या सर्वसाधारण बैठकीत घेण्यात आला आहे.

devendra fadnavis replied to sharad pawar
“शरद पवार सध्या नकारात्मक मानसिकतेत, त्यांच्यासारख्या मोठ्या व्यक्तीला..”; दुष्काळावरील टीकेला देवेंद्र फडणवीसांचं प्रत्युत्तर!
loksatta anvyarth How will the problem of OBC reservation be solved
अन्वयार्थ: ओबीसी आरक्षणाचा प्रश्न सुटणार कसा?
Political controversy over Prajwal Revanna inquiry
प्रज्वल रेवण्णाच्या चौकशीवरून राजकीय वाद; भाजप सीबीआयसाठी आग्रही तर मुख्यमंत्री ‘एसआयटी’ तपासावर ठाम
Sharad Pawar criticized the country dictatorship under the leadership of Modi in the welfare meeting
मोदींच्या नेतृत्वाखाली देश हुकूमशाहीकडे ! कल्याणच्या सभेत शरद पवारांची टीका
Husband wife dispute, Husband dispute Over Over Cold Dinner, Husband attempt Suicide, Husband attempt Suicide in Nagpur, Nagpur police,
बायकोने दिली थंड भाजी, नवऱ्याने घेतला आत्महत्येचा निर्णय; पोलिसांच्या सतर्कतेमुळे नवऱ्याचे वाचले प्राण
al jazeera offices in israel close after netanyahu government order to stop operations zws
इस्रायलमधील ‘अल जझीरा’ची कार्यालये बंद ;नेतान्याहू सरकारचा कामकाज थांबवण्याचा आदेश; उपकरणेही जप्त
Rajnath Singh
“PoK ताब्यात घेण्यासाठी बळाचा वापर करण्याची गरज नाही, कारण…”, संरक्षण मंत्र्यांचं महत्त्वाचं विधान
voting, Amit Shah, Mahayuti,
मतदान पूर्ण होईपर्यंत थांबायचं नाही गड्या; अमित शहा यांचा कोल्हापुरातील महायुतीच्या पदाधिकाऱ्यांना सल्ला

हेही वाचा- नवी मुंबई: कोपरखैरणे रेल्वे स्थानकाबाहेर रस्त्यांच्या कामांमुळे मोठ्या प्रमाणात वाहतूक कोंडी

रायगड जिल्ह्याच्या राज्य उत्पादन शुल्क विभागाने ५ सप्टेंबर रोजी खारघरमधील सेक्टर १० येथील निरसूख पॅलेस या बारला मद्यविक्रीचा परवाना दिला होता. यामुळे खारघरमध्ये रहिवाशी रस्त्यावर उतरले होते. निरसूख पॅलेस या बारला दिलेला मद्यविक्रीचा परवाना रद्द करा, अशी मुख्य मागणी नागरिकांची होती.

पनवेल पालिकेची स्थापना १ ऑक्टोबर २०१६ ला झाली. पालिकेच्या स्थापनेपूर्वी खारघर वसाहत हा खारघर ग्रामपंचायतीचा भाग होता. पनवेल पालिकेच्या स्थापनेपूर्वी खारघर ग्रामपंचायत हद्दीत दारुबंदीचा ठराव सर्वानुमते ग्रामस्थांनी घेतला होता. तो दारुबंदीचा ठराव अद्याप पालिकेने बदललेला नाही, असे आयुक्त गणेश देशमुख यांनी सर्वसाधारण बैठकीत स्पष्ट करत ग्रामपंचायतीच्या तरतूदी संक्रमन अवस्थेत सर्व निर्णय जशास तसे लागू राहत असल्याचे स्पष्ट केले. याचसोबत ग्रामपंचायतीने घेतलेले लोकोपयोगी निर्णय पालिकेच्या स्थापनेमुळे ते रद्द होत नाहीत. उलट ते निर्णय कायम राहतात असेही ठरावाला मान्यता देताना आयुक्तांनी म्हटले. त्यामुळे यापूढे राज्य उत्पादन शुल्क विभागाने पनवेल पालिकेच्या स्थापनेनंतर किंवा नव्याने पूर्वीच्या खारघर ग्रामपंचायत हद्दीत मद्यविक्रीसाठी बार व रेस्ट्रोरेन्टला परवानगी देऊ नये, हा ठराव पालिकेच्या सर्वसाधारण बैठकीत घेण्यात आला. या ठरावाची प्रत संबंधित विभागांना पाठविणार असल्याचेही पालिका आयुक्त देशमुख यांनी स्पष्ट केले. सध्या पालिकेवर प्रशासकाची सत्ता आहे.

हेही वाचा- नवी मुंबई: हॉटेलमध्ये घुसून सिनेस्टाईल मारामारी; दोघांना पोलिसांकडून अटक

खारघर वसाहतीच्या दोन्ही चतु:सीमेपर्यंत आयुक्त देशमुख यांनी घेतलेला खारघर दारुबंदीचा ठराव प्रभावशाली ठरणारा आहे. राज्य उत्पादन शुल्क विभागाने पनवेल पालिकेची कोणतीही परवानगी न घेता निरसूख बारला परवानगी दिली होती. त्यामुळे आयुक्त देशमुख यांनी सोमवारी घेतलेल्या ठरावानंतर निरसूख बारचा परवाना रद्द करण्याची वेळ येईल असेही चित्र आहे. परंतू त्याचसोबत पालिकेच्या स्थापनेपूर्वी अजीत पॅलेस व रॉयल ट्युलिप या हॉेटेलमध्ये राज्य उत्पादन शुल्क विभागाने दिलेल्या मद्यविक्रीच्या परवान्याबाबत काय निर्णय घेणार याकडे खारघरवासियांचे लक्ष लागले आहे. विविध राजकीय पक्ष आणि सामाजिक संघटनांनी एकत्र येऊन खारघरमध्ये आंदोलन उभारले होते.

या भागात असणार दारुबंदी

आज झालेल्या ठरावानुसार महानगरपालिका हद्दीतील प्रभाग समिती ‘अ’ मधील पुर्वाश्रमीचे खारघर ग्रामपंचायत क्षेत्रसिमीत खारघर ग्रामपंचायत पुर्व बाजू-खारघर से.१७ संपूर्ण, से.१६ पूर्व बाजू (खाडी लगत), सायन पनवेल हायवेवरील पूल, ओमकार एम्पायर इमारत से.१०, मानसरोवर रेल्वे ब्रिज, तळोजा खाडी ते पनवेल महानगरपालिका हद्दीपर्यंत, खारघर ग्रामपंचायत पश्चिम बाजू – पनवेल महानगरपालिका खारघर गावाची पश्चिम दिशेकडील महसुल हद्द, खारघर टेकडी, खारघर हिल, फणसवाडी, खारघर व्ह्युव पॉईंट, चाफेवाडी, खारघर ग्रामपंचायत उत्तर बाजू- चाफेवाडी गाव, खारघर टेकडी ते खारघर व्ह्युव पॉईंट, गोल्फ कोर्स रोडने सी.जे.एम.शाळा सिअमय इमारत ते ग्राम विकास भवन, खारघर से.०६, भुखंड क्र.८,१३,१४ से. २१, भुखंड क्र.८५ से.२१, निलमकुंज भुखंड क्र.१५१ (प्रस्तावित महापौर बंगला), खारघर से. २०, , प्लॉट नं.८० ते प्लॉट नं. ८५,७७,७७ए,५७,५६,५२, ५१, भुखंड क्र.८६ ते ९५ से.१९, भुखंड क्र. ११ब, ११अ, भुखंड क्र. २३४ ते २४३, खारघर ग्रामपंचायत दक्षिण बाजू- मानसरोवर, खारघर रेल्वे ब्रिज, तळोजा खाडीने पनवेल महानगरपालिका हद्दीपर्यंत खारघर गावाची दक्षिणेकडील महसुल हद्द या चतु:सिमा दर्शविण्यात आलेल्या आहेत. या क्षेत्रासाठी सर्व प्रकारच्या किरकोळ व घाऊक मद्यविक्री व साठा करण्यास परवानगी असणार नाही.