नवी मुंबई : महापालिका प्रशासनाने या शैक्षणिक वर्षात आणखी दोन केंद्रीय शिक्षण मंडळाच्या शाळा खासगी संस्थेतर्फ चालवण्याचा निर्णय घेतला आहे. यासाठी काढण्यात आलेल्या निविदांना प्रतिसाद मिळाला नसल्याने या शाळा सुरू होणार की नाही याबाबत साशंकता व्यक्त होत आहे. प्रशासनाने आता निविदांना मुदतवाढ दिली असून १९ जुलैपर्यंत निविदा दाखल करण्याचे आवाहन केले आहे.
या बातमीसह सर्व प्रीमियम कंटेंट वाचण्यासाठी साइन-इन करा
दरम्यान नवी मुंबई महापालिकेच्या सद्यस्थितीत दोन केंद्रीय मंडळाच्या शाळा असून सीवूड्स येथील शाळा आकांक्षा फाऊंडेशनतर्फे चालविली जाते. या संस्थेने या नवीन शाळा चालवण्याबाबत रस दाखवल्याचे समजते. मात्र यावर अद्याप पालिका प्रशासनाने निर्णय घेतलेला नाही.पालिकेच्या सीवूड्स सेक्टर ५० व कोपरखैरणे सेक्टर ११ येथे केंद्रीय मंडळाच्या दोन शाळा आहेत. सीवूडस येथील शाळा आकांक्षा फाऊंडेशनतर्फे तर कोपरखैरणे येथील शाळा पालिका स्वत: चालवते. या शाळांना दरवर्षी चांगला प्रतिसाद मिळत असून प्रतीक्षा यादी वाढत आहे. त्यामुळे प्रशासनाने या शैक्षणिक वर्षात दोन नवीन शाळांची घोषणा केली आहे. यात वाशी व कोपरखैरणे येथे या शाळा सुरू करण्याची तयारीही दाखविली आहे. मात्र या शाळा खासगी संस्थेतर्फे चालवण्याचा निर्णय घेतला आहे. यासाठी प्रशासनाने निविदा प्रक्रिया राबविली होती. याला संस्थांकडून प्रतिसाद मिळाला नाही. त्यामुळे जूनपासून या शाळा सुरू करण्याचे पालिकेचे नियोजन बारगळले आहे.
Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Parents new central schools extension tenders non response special organization amy
First published on: 28-06-2022 at 00:01 IST
