जसखार ते करळ-सोनारीला रस्ता देण्याची मागणी, चार गावातील नागरिकांचा रेल्वे रुळावरून धोकादायक प्रवास

हेही वाचा : गॅस सिलिंडरचा स्फोट आणि आगही; दुसऱ्या माळ्यावर ७ ते ८ जण अडकले

उरण तालुक्यातील अनेक गावांचे समूह हे पुर्वापार एकत्र व्यवहार करीत आहेत. त्याचप्रमाणे या चारही गावांचा बाजार , शाळा, रेशनिग, नातेवाईक व देव दर्शन ही नित्याची गोष्ट होती. मात्र सध्या या गावांना जोडणारा मार्ग हा जेएनपीटी बंदरात जाणाऱ्या रेल्वे मार्गामुळे धोकादायक बनला आहे. त्यामुळे या चारही गावांना जोडणारा पर्यायी मार्ग बनविण्याची मागणी सोनारी येथील ज्येष्ठ नागरीक संघाच्या वतीने तसेच जेएनपीटीचे माजी कामगार विश्वस्त कॉ. भूषण पाटील व सामाजिक कार्यकर्ते एल. बी. पाटील यांनी जेएनपीटीकडे लेखी स्वरूपात केली होती. याचे जेएनपीटीने उत्तर देत अहवालाच्या प्रतीक्षेत असल्याचे म्हटले आहे. मात्र ही प्रतीक्षा कधी संपणार असा सवाल येथील नागरिकांनी केला आहे.