प्रवाळद्वीपांचा विषय निघाला की ऑस्ट्रेलियातील ग्रेट बॅरीयर रीफ, अंदमान निकोबार, लक्षद्वीप यांची आठवण येते. पण महाराष्ट्रात विजयदुर्ग किल्ल्याच्या पश्चिमेला १०५ किलोमीटरवर असलेले आंग्रिया बँक प्रवाळद्वीप अजूनही प्रसिद्धीपासून अज्ञात  आहे. मराठा आरमाराचे सरखेल कान्होजी आंग्रे यांच्या सन्मानार्थ या बेटास आंग्रिया बँक नाव मिळाले आहे. भारतातील बाकी प्रवाळबेटे मुख्यत्वे किनाऱ्यालगत आहेत, परंतु आंग्रिया बँक हे खुल्या समुद्रातील पठारी भूभागावर आहे. कमीत कमी २४ मीटर तर जास्तीत जास्त ४०० मीटर खोलीवर असणारा हा भूभाग सागरी ओहोटीच्या वेळी कधी कधी पाण्याबाहेर डोकावतो. सूर्यप्रकाश, अन्न आणि वाढीसाठी सुयोग्य वातावरण असल्यामुळे हे कंकणाकृती प्रवाळबेट जैवविविधतेचे आगर आहे.

या बातमीसह सर्व प्रीमियम कंटेंट वाचण्यासाठी साइन-इन करा

२०१५ मध्ये राष्ट्रीय समुद्र विज्ञान संस्थान आणि २०१९ मध्ये वन्यजीव संधारण संस्था, पर्यटन विकास मंडळ  आणि सागरी जीवसंपदा आणि पर्यावरणशास्त्र केंद्र या संस्थांनी मिळून आखलेल्या अभ्यास मोहिमांमुळे आंग्रिया बँकबद्दल अधिकाधिक माहिती समोर आली आहे. स्कूबा डाइव्ह करून आंग्रिया बँकचा शोध घेणाऱ्या अभ्यासगटाला या ठिकाणी बहुविध मासे दिसले. इतरत्र सहज न दिसणारे मुरे ईल, कोरल रे, व्हिप रे आणि इगल रे या ठिकाणी दिसले. हिंदी महासागरात आढळणारे बॉटलनोज डॉल्फिन्स, हम्पबॅक डॉल्फिन, स्पिनर डॉल्फिन, अत्यंत दुर्मीळ शॉर्टफीन पायलट व्हेल येथे दिसून आले. १११ कुळांतील प्रवाळांच्या एक हजार २८६ प्रजाती, रीफ माशांच्या १७२ प्रजाती येथे आढळल्या. १९ प्रजातींच्या अपृष्ठवंशीय प्राण्यांची नोंद करण्यात आली.

मराठीतील सर्व नवनीत बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Kutuhal angria bank coral island west of vijaydurg fort in maharashtra amy
First published on: 05-10-2023 at 01:06 IST