scorecardresearch

Premium

जंगली झाडांच्या फुले, बियांपासून आदिवासींना रोजगार ; वस्तुविनिमय पद्धतीने व्यापाऱ्यांकडून खरेदी

जंगलातील काही झाडांपासून मिळणारी फळे, फुले व बिया येथील आदिवासींना वरदान ठरत असून या जंगली रानमेव्याची विक्री करून एक चांगला रोजगार उपलब्ध झाला आहे.

जंगली झाडांच्या फुले, बियांपासून आदिवासींना रोजगार ; वस्तुविनिमय पद्धतीने व्यापाऱ्यांकडून खरेदी

वाडा: जंगलातील काही झाडांपासून मिळणारी फळे, फुले व बिया येथील आदिवासींना वरदान ठरत असून या जंगली रानमेव्याची विक्री करून एक चांगला रोजगार उपलब्ध झाला आहे. विशेषत: तालुक्याच्या ठिकाणी व्यापा-यांकडून वस्तुविनिमय पद्धतीने या रानमेव्याची खरेदी होत असल्याने या माध्यमातून आदिवासींना संसार उपयोगी वस्तू उपलब्ध होत आहेत.
पालघर जिल्ह्यात मोठय़ा प्रमाणावर जंगलसंपत्ती आहे. या जिल्ह्यात विक्रमगड, जव्हार, मोखाडा, तलासरी, डहाणू व वाडा हे तालुके आदिवासीबहुल तालुके म्हणून ओळखले जातात. या तालुक्यातील जंगल भागात राहणारी शेकडो आदिवासी कुटुंबे ही जंगलातून विविध झाडांपासून मिळणारी फळे, फुले व बी विकून आपला संसारगाडा चालवत असतात.
जंगलातील साग, निलगिरी, अकेशिया, काजू, गुंज, मोह, चिंच, करंज, सीताफळ, िडक, सागरगोटे, रिठा, बावा आदी जंगली झाडांच्या बिया तसेच सुकविलेली मोहफुले व तेलबिया यांची विक्री करून रोजगार मिळवत आहेत.
जंगली झाडे व अन्य वनऔषधी वनस्पती यांच्या बियांना शहरी भागात खूप मागणी आहे. तसेच विविध जंगली झाडांच्या रोपवाटिकेचा व्यवसाय करणाऱ्यांकडून या बियाणांची विशेष खरेदी केली जाते.
विक्रमगड, जव्हार , मोखाडा या तालुक्याच्या ठिकाणी भरणाऱ्या आठवडा बाजारात ही जंगली झाडांची बियाणे, फुले खरेदी करण्यासाठी खास व्यापारी येत असतात. जंगली वनस्पतींची काही फुले, बिया या नाशवंत असल्याने त्यांची योग्य साठवण केली तरच फायदेशीर ठरते, असे विक्रमगडचे व्यापारी मिलिंद भानुशाली म्हटले आहे.
दरम्यान, किमती बियाणे घेऊन त्या बदल्यात सामान्य माल देऊन वस्तुविनिमय पद्धतीने व्यापाऱ्यांकडून आदिवासींची लूट होत असल्याचा आरोप आदिवासी मुक्ती मोर्चाचे वाडा तालुका अध्यक्ष अनंता वनगा यांनी केला आहे. शासनाने या जंगली बिया खरेदी करण्याची व्यवस्था निर्माण करावी अशी मागणी वनगा यांनी केली आहे.
बियाणाच्या बदल्यात कांदा, बटाटा आठवडा बाजारात येणाऱ्या व्यापाऱ्यांकडून जंगली वनस्पतींचे बियाणे खरेदी केले जाते व त्या बदल्यात व्यापारी मिरची पावडर, डाळी, कांदा, बटाटा तसेच संसार उपयोगी भांडी देत असतात. या ठिकाणी कुठल्याही प्रकारचा पैशाचा व्यवहार होत नाही. वस्तूंच्या बदल्यात वस्तूच दिली जाते.
येथील आदिवासींनी जंगलातून गोळा केलेल्या विविध वनस्पतींच्या बिया, फुले यांची खरेदी आदिवासी विकास महामंडळाकडून झाल्यास आदिवासींना अधिक किंमत (दर) मिळेल.-शामराव आळशी, माजी चेअरमन, खरेदी-विक्री संघ विक्रमगड

Driving licenses suspended Nagpur
नागपुरात २३ हजारांवर नागरिकांचे वाहन चालवण्याचे परवाने निलंबित; कारण काय? जाणून घ्या…
Notices to more than 200 developers in Nashik who did not give 20 percent of MHADAs share of houses in scheme
म्हाडाच्या हिश्श्याची २० टक्के योजनेतील घरे न देणाऱ्या नाशिकमधील दोनशेहून अधिक विकासकांना नोटिसा
akola soybean farmers marathi news, soybean farmers in trouble akola marathi news, akola soybean marathi news
सोयाबीनची उत्पादकता अधिक, नाफेडकडून खरेदी मात्र मर्यादित; शेतकऱ्यांच्या अडचणीत भर
Zero tribal reservation in teacher recruitment on pavitra portal
आदिवासींचे आरक्षण संपवण्याचा घाट! ‘पवित्र पोर्टल’वरील शिक्षक भरतीत शून्य आरक्षण, १००० जागांमध्ये एकही जागा नाही

Latest Comment
View All Comments
Post Comment

Palghar News (पालघर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Employment tribals from wild tree flowers seeds bargaining merchants amy

First published on: 29-04-2022 at 01:43 IST

आजचा ई-पेपर : पालघर

वाचा
epaper image

संबंधित बातम्या

तुम्ही या बातम्या वाचल्या आहेत का? ×