पंचक्रोशीमधील सर्वात मोठी महालक्ष्मी मातेची यात्रा; खवय्यांसाठीची परवणी

काही जण खाण्यास तयार असलेले भुजिंग, मटन, चिकन, मासे घेतात तर काहीजण जेवणाचे साहित्य म्हणजेच भांडी व इतर साहित्य घेऊन येतात. यामुळे मांसाहारी दुकानांबरोबरच विविध प्रकारच्या मसाल्यांची दुकाने मांसाहारी पदार्थांच्या आसपास पहावयास मिळतात. यामध्ये साधारणपणे मसाला विक्रेत्यांची ६० च्या आसपास दुकाने आहेत.तर मांसाहार मासे मटण खिमा अशी जवळपास ३५० हुन अधिक दुकाने पाहायला मिळतात

महालक्ष्मी यात्रेत उपलब्ध होणारे मासे व त्यांचे प्रती किलो :

दाडा १४०० रुपये, घोळ १२००रुपये, साधारणपणे १५ ते २० किलो माशाचा एक नग असतो. खारा/खार (मीठ लावून वाळवून ठेवलेले) दाडा मासा एक नग साधारणपणे अर्धा किलो वजनाचा १०० तर मुशी खारा मासा ५०० रुपये, करंदी ५० वाटा, बोंबील ५० रुपये वाटा, चिकन भुजिंग बनवून ४०० रुपये प्रति किलो, मटन ८०० रुपये किलो, मटन खिमा ८५० रुपये किलो, तर तयार मटन 350 रुपये तर तयार खिमा २०० रुपये किलो, सिंगल आमलेट पाव १५ रुपये.

याखेरीज गरम मसाला प्रति किलो ३०० ते ४०० रुपये, हळद पावडर – धना पावडर २४० दर तसेच आगरी मसाला २०० ते ३०० रुपये किलो. तर पांढरा कांदा एक माळ साधारणपणे दोन किलो १२० रुपये. एकंदरच १५ दिवसांच्या यात्रेच्या काळात मोठ्या प्रमाणावर मटन आणि खिमाची विक्री होते. याखेरीज दैनंदिन उपजीविकेच्या वस्तूंची किरकोळ तसेच काही प्रमाणात घाऊक स्वरूपात खरेदी विक्री होते. यामुळे डहाणू व परिसरात आदिवासी नागरी वर्षभरासाठी लागणाऱ्या अनेक वस्तूंची खरेदी करण्यासाठी तर काही विक्रीसाठी या यात्रेला भेट देत असतात.