डहाणूत भाजप ३, राष्ट्रवादी एका जागी विजयी

डहाणू : पालघर जिल्हा परिषद पंचायत समिती पोटनिवडणुकीत जिल्हा परिषदेचे बोर्डी, सरावली, वणई गट असे तीन गट पंचायत समितीच्या सरावली गणातील एका जागेवर भारतीय जनता पार्टी तर कासा जिल्हा परिषद गट आणि ओसरविरा पंचायत समिती गण राष्ट्रवादीने जिंकून विजयाची परंपरा राखली. दरम्यान शिवसेना, काँग्रेसला एकही जागा जिंकता आलेली नाही. दरम्यान वणई गटात खासदारांचे चिरंजीव रोहीत गावीत यांना पराभवाला सामोरे जावे लागले. तर काँग्रेसने दुसऱ्या स्थानावर राहून भाजपशी लढा दिला. वणई गटात शिवसेना तिसऱ्या स्थानावर गेली. डहाणूत भाजपची या पोटनिवडणुकीत वणईची एक जागा वाढली आहे. भाजपचे जिल्हा पदाधिकारी भरत राजपुत यांना विजयाचे श्रेय दिले जाते.

जिल्हा परिषदेच्या बोर्डी गटात भाजपच्या ज्योती प्रशांत पाटील यांना ५,२८३ मते मिळाल्याने त्या ४१६ मताधिक्याने विजयी झाल्या तर त्यांच्या प्रतिस्पर्धी राष्ट्रवादी काँग्रेसच्या उन्नती सतेज राऊत यांना ४ हजार ८६७ मध्ये मते मिळाल्याने त्यांचा पराभव झाला.

कासा गटात राष्ट्रवादी काँग्रेसच्या उमेदवार लतिका लहू बालशी यांना ५३१२ मते मिळवून त्या २५८७ च्या मताधिक्याने विजयी ठरल्या,तर त्यांच्या प्रतिस्पर्धी शिवसेनेच्या सुनिता किरण कामडी यांना २७२५ मते मिळाल्यामुळे त्यांना पराभव पत्करावा लागला. तर भाजपच्या कामिनी शिंदे तिसऱ्या स्थानावर राहिल्या.

सरावली गटात भारतीय जनता पार्टीचे उमेदवार सुनील दामोदर माच्छी यांना ४१११ मते मिळवून ते ४९५ च्या मताधिक्याने विजयी झाले, तर त्यांचे प्रतिस्पर्धी मार्क्‍सवादी कम्युनिस्ट पक्षाचे रडका रुपाजी  कलंगडा यांना ३६१६ मेते मिळाल्याने त्यांना पराभव पत्करावा लागला.

बहुचर्चित ठरलेल्या वणई गटातही भाजपचे उमेदवार पंकज दिनेश कोरे यांना ३६५४ मते मिळाली त्यामुळे ते ४१२ मताधिक्याने विजयी ठरले.तर त्यांचे प्रतिस्पर्धी काँग्रेस आयच्या वर्षां धनंजय वायडा यांना ३२४२ मते मिळाल्याने त्यांना पराभव पतकारावा लागला या वणई गटातील शिवसेनेचे खासदार राजेंद्र गावित यांचे पुत्र रोहित राजेंद्र गावित यांना २३५६ मते मिळाली तर राष्ट्रवादी काँग्रेसचे उमेदवार विराज रामचंद्र गडग यांना २२५१ मते मिळाल्याने त्यांना ही पराभवाला सामोरे जावे लागले. पंचायत समितीच्या संविधानात राष्ट्रवादी काँग्रेसच्या स्वाती विपुल राऊत यांना २७७४ मते मिळाली त्यामुळे त्या ९९४ मताधिक्याने विजयी झाल्या तर त्यांच्या प्रतिस्पर्धी शिवसेनेच्या सुवर्णा बिपीन तल्हा यांना १६६३ मते मिळाल्याने त्यांना पराभव पत्करावा लागला. पंचायत समितीच्या सरावली गणातील भाजपचे अजय वाल्या गुजर यांना १९५१ मते मिळाल्याने ते ४०४ मताधिक्याने विजयी झाले. त्यांचे प्रतिस्पर्धी माकप चे महिंद्रा चैत्या मेरे यांना १५५१ मत मिळाल्याने त्यांना पराभव पत्कारावा लागला.